आज पनि कांग्रेस केन्द्रीय कार्यसमितिको बैठक , महाधिवेशन कार्यतालिकामाथि छलफल हुने

काठमाडौँ- आज शुक्रबार पनिप्रमुख प्रतिपक्षी दल नेपाली कांग्रेसको केन्द्रीय कार्यसमिति बैठक बस्दै छ ।
बैठक आज दिउँसो १ बजे महाधिवेशन कार्यतालिका परिमार्जनसहित विभिन्न प्रस्तावमा छलफल गर्न बिहीबारदेखि जारी बस्ने बताइएको छ ।

हिजोको बैठकमा तल्लो तहको कार्य समितिको अधिवेशन साउन १२ गतेबाट सुरु हुने प्रस्ताव पेश गरिएको थियो ।

हिजो प्रस्ताव गरिएका विभिन्न विषयमा आजको बैठकले छलफल गरी निर्णय अनुमोदन गुर्नका साथै अन्य विभिन्न समसामयिक राजनीतिक विषयमा छलफल हुने बताइएको छ ।

यसअघि गत शनिबार बसेको पार्टीका पदाधिकारीको बैठकले आसन्न १४औं महाधिवेशनको मिति सार्ने निर्णय गरेको थियो ।

यसअघि भदौ ७ देखि १० सम्मका लागि तोकिएको महाधिवेशन अब भदौ १६ गतेबाट सुरु गर्ने निर्णय पदाधिकारी बैठकले गरेको थियो ।