डुबानमा परेकालाई उद्धारका लागि हेलिकोप्टरसहित २५० जना सुरक्षाफौज घटनास्थलमा

काठमाडौँ- सुरक्षा फौजको टोली मेलम्चीमा आएको भीषण बाढीका कारण डुबानमा परेकाको उद्धारका घटनास्थल पुगेको छ ।

आज विहानै उद्दारका लागि हेलिकोप्टरसहित नेपाली सेना, नेपाल प्रहरीको टोली घटनास्थल पुगेको गृहमन्त्रालयका प्रवक्ता जनकराज दाहालले बताएका छन् । चौतारा र काभ्रेको धुलिखेलबाट २५० जनाको नेपाल प्रहरी, नेपाली सेना र सशस्त्र प्रहरी टोली मेलम्ची पुगेको प्रमुख जिल्ला अधिकारी अरुण पोखरेलले जानकारी दिए ।

लगातारको वर्षासँगै आएको बाढीका कारण सिन्धुपाल्चोकको मेलम्ची बजार डुबानमा परेको छ ।

केही घर भत्किएका छन् भने कम्तीमा पाँच पुल बगाएको छ। स्थानीय बासिन्दालाई सुरक्षित स्थानमा सारिँदै छ ।

सिन्धुपाल्चोकका सहायक प्रमुख जिल्ला अधिकारी बाबुराम खनालले बाढी र पहिरोमा परी कम्तिमा सात जनाको जानकारी आए पनि आधिकारिक पुष्टि हुन बाँकी रहेको बताए ।