घट्यो सुनको मूल्य

काठमाडौँ- नेपाली बजारमा आइतबार सुनको मूल्य एके दिन अधिकतम ६०० रुपैयाँले घटेको छ ।

आइतबार सुन प्रतितोला ६०० रुपैयाँले घट्दै ९३ हजार ९०० रुपैयाँ कायम भएको नेपाल सुनचाँदी व्यवसायी महासंघले जनाएको छ ।

यस्तै, आज तेजाबी सुन समेत ६०० रुपैयाँले नै घट्दै ९३ हजार ४०० रुपैयाँ कायम भएको छ । महासंघले चाँदीको मूल्य भने स्थिर रहेको बताएको छ ।

गत शुक्रबार प्रतितोला एक हजार ३७० रुपैयाँमा कारोबार भएको चाँदी आज आइतबार पनि सोही मूल्य कायम भएको छ ।