घट्यो सुनको मूल्य

काठमाडौँ- नेपाली बजारमा बिहीवार सुनको मूल्य ओरालो लागेको छ । स्थानीय बजारमा अघिल्लो कारोबारको दिन अर्थात् बुधवार रू. १०० ले बढेको सुनको भाउ बिहीवार रू. ३०० ले ओरालो लागेको हो ।

बिहीवार छापावाला सुन प्रतितोला रू. ९३ हजार ९०० मा कारोबार भएको नेपाल सुनचाँदी व्यवसायी महासंघले जनाएको छ । बुधवार छापावाला सुनको मूल्य प्रतितोला रू. ९४ हजार २०० मा कारोबार भएको थियो । बुधवारको तुलनामा बिहीवार छापावाला सुन प्रतितोला रू. ३०० ले घटेको हो ।

त्यसैगरी, तेजाबी सुन प्रतितोला रू. ९३ हजार ४०० मा कारोबार भएको छ । बुधवार तेजाबी सुन प्रतितोला रू. ९३ हजार ७०० मा कारोबार भएको थियो ।

यस्तै, बिहीवार चाँदीको मूल्य भने बढेको छ । बुधवार प्रतितोला रू. १ हजार ३५० मा कारोबार भएको चाँदी बिहीवार रू. ५ ले बढेर रू. १ हजार ३५५ खरीदविक्री भइरहेको छ ।