मुख्यमन्त्री भट्टले विश्वासको मत मागेपछि मतदान प्रक्रिया सुरु

काठमाडौँ- सुुदूरपश्चिम प्रदेशका मुख्यमन्त्री त्रिलोचन भट्टले आफूलाई विश्वासको मत दिन प्रस्ताव गरेपछि प्रदेश सभामा मतदान प्रक्रिया सुरु भएको छ ।

मंगलबार बसेको प्रदेश सभाको बैठकमा मुख्यमन्त्री भट्टले आफूलाई विश्वासको मत दिन सांसदसँग भने पछि मतदानको प्रक्रिया अघि बढाइएको हो ।

बैठकमा बोल्दै मुख्यमन्त्री भट्टले आफूले कुनै दल विशेषलाई नभएर सबैसँग मत मागेको बताए ।

उनले सुदूरपश्चिममा ठूला–ठूला काम गर्नुपर्ने भएकाले सबै मिलेर अघि बढ्नुको विकल्प नरहेको भन्दै यसका लागिसंघीय सरकारसँग साझा संकल्पसहित सदनलाई एकतावद्ध गरेर अघि लिएर जान बताएका छन् ।