माधव-झलनाथ पक्षको स्थायी कमिटी बैठक बस्दै

काठमाडौं- आज नेकपा एमालेको माधव-झलनाथ पक्षको स्थायी कमिटी बैठक बस्दै छ ।

स्थायी कमिटी सदस्य भीम आचार्यले बिहान साढे ११ बजे भर्चुअल माध्यमबाट बैठक बस्न लागेको जानकारी दिएका छन् ।

पार्टी एकताका लागि भन्दै प्रधानमन्त्री एवं अध्यक्ष केपी शर्मा ओलीको व्यक्तव्य आएपछि त्यसबारे धारणा बनाउन बैठक बोलाइएको हो ।

छलफलपछि धारणा सार्वजनिक गर्ने यो समूहको तयारी छ । आइतबारको व्यक्तव्यपछि माधव-झलनाथ पक्षकै नेताहरूको मिश्रित प्रतिक्रिया आएको छ ।