धर्मपिताको कुटाई पछि दक्षिण कोरियामा १ महिना देखि कोमामा छिन् २ वर्षीया बालिका

सोल- एक २ वर्षीया बालिका बिगत १ महिना देखि कोमामा छिन् । एक महिना आगाडी उनलाई आफ्नो धर्मपिताले बेहोस हुने गरि कुटेका थिए । कुटाईबाट उनको दिमागमा आन्तरिक रक्तस्राव समेत भएको थियो ।

डाक्टरहरूले भने उनले भोगेको मानसिक र शारीरिक आघातका कारण उक्त बालिका उठ्ने सम्भावना नभएको बताउँछन् । मे ८मा उनलाई ३६ वर्षीय धर्मपिताले आफ्नो सोलबाट ४० किलोमीटर दक्षिणमा रहेको ह्वासोंगमा रहेको घरमा थप्पड लगाए र ४ पटक सम्म लछार पछार गरेका थिए ।

अनुसन्धानका अनुसार उक्त बालिकालाई मे ८ भन्दा आगाडी पनि धेरै पटक दुर्ब्यबहार गरिएको थियो । उनलाई गरिएको दुर्ब्यबहार तब प्रस्ट भयो जब धर्मपिताले बेहोस भएको बालिकालाई मे ८मा अस्पताल लागेका थिए डाक्टरहरूले उनको शरीरभरि नै विभिन्न चरणका चोटपटक भेट्टाएका थिए ।

बिहीबार, सुवन जिल्ला अभियोजक कार्यालयले उक्त व्यक्तिलाई बाल दुर्व्यवहारको आरोपमा अभियोग दर्ता गर्‍यो जुन शारीरिक शारीरिक क्षति र बाल त्याग र उपेक्षाको लागि अग्रसर भयो । त्यस्तै, पतिको कार्यहरुको बारे सचेत भएपनि दुर्ब्यबहार रोक्न केहि नगरेकाले अभियोजक कार्यालयलेउक्त व्यक्ति को ३५ वर्षिया पत्नीलाई पनि बाल त्याग र उपेक्षाको आरोपमा अभियोग दर्ता गरेको छ ।