जेठ २० पछि निषेधाज्ञा खुकुलो हुँदै जाने

काठमाडौं- जेठ २० पछि काठमाडौं उपत्यकामा जारी निषेधाज्ञा भने खुकुलो पारिने भएको छ। पछिल्लोपटक जेठ १४ गतेदेखि लागु हसने गरी थपिएको निषेधाज्ञा निकै कडा पारिएको थियो ।

जिल्ला प्रशासन कार्यालय काठमाडौंका प्रमुख कालीप्रसाद पराजुलीले कोरोना संक्रमण दर क्रमशः घट्दै गएको हुँदा सर्वसाधारणको सहजताका लागि निषेधाज्ञालाई खुकुलो बनाउने तयारी भइरहेको जानकारी दिए ।

उनले भने, “अहिले तरकारी, दुध, मासु, ग्याँस र पानीका लागि मात्र निषेधाज्ञा खुकुलो बनाएका छौँ तर २० गतेपछि खाद्यान्न पसलका साथै अन्य केही क्षेत्र पनि खुकुलो बनाउने तयारीमा छौँ । खाद्यान्न पसलहरूलाई निश्चित समयावधि तोकेर खोल्न दिइनेछ।”

यस्तै, उनले खाद्यान्नबाहेक अन्य कुन–कुन क्षेत्र खुकुलो बनाउने भन्ने विषयमा छलफल गर्न बाँकी रहेको जानकारी दिए। सम्भवतः १९ गतेभित्रै काठमाडौं, ललितपुर र भक्तपुरका प्रजिअहरूको उपस्थितिमा बैठक बसेर निष्कर्ष निकाल्ने बताएका छन् ।

उनले भने, “स्थिति अनुकुल हुँदे गए सबै क्षेत्रलाई बिस्तारै खुकुलो बनाउँदै लाने उनले बताए। ‘संक्रमण दर यसरी नै घट्दै गयो भने क्रमशः सबै क्षेत्रलाई खुकुलो बनाउँदै लाने ह। “