काठमाडौं-तराई फास्ट ट्रयाकलाई ८ अर्ब, रेलमार्ग निर्माणमा १० अर्ब

काठमाडौं- काठमाडौं-तराई फास्ट ट्र्याक निर्माणका लागि सरकारले ८ अर्ब १५ करोड रुपैयाँ बजेट विनियोजन गरेको छ ।

अर्थमन्त्री विष्णुप्रसाद पौडेलले सिंहदरबारबाट शनिबार आर्थिक वर्ष २०७८/७९ को बजेट भाषणका क्रममा यस्तो बताएका हुन् ।

यस्तै, अर्थमन्त्री पौडेलले २ वर्षभित्र काठमाडौंको चक्रपथ विस्तार कार्यक्रम सम्पन्न गर्न २ अर्ब ६४ करोड बजेट, नागढुंगा-सिस्नेखोला सुरुङमार्ग २ वर्षभित्र संचालनमा ल्याउन ९ अर्ब ८५ करोड बजेट गरेको बताए ।

रेलमार्गका लागि सरकारले १० अर्ब ३ करोड बजेट विनियोजन गरेको छ । अर्थमन्त्री पौडेलले आउने वर्ष पनि काठमाडौं उपत्यकामा मेट्रो रेल संचालनको सम्भाव्यता अध्ययन गरिने बताए ।