दक्षिण कोरियामा पत्नीको खानामा थुक्ने पतिलाई कारबाही

सोल- कोरियामा आफ्नो पत्नीको खानामा थुक्ने एक जना ४७ बर्षीय वकिललाई कारबाही गरिएको छ ।

शुक्रवार सोल पश्चिमी जिल्ला अदालतले श्रीमानलाई ५ लाख वन जरिबाना तिर्ने लगाएको छ ।

उक्त घटना अघिल्लो वर्षको अप्रिल २८ मा उत्तरी सोलमा करिब बिहान ११ बजेर ३० मिनेटमा घटेको बाताईएको छ ।

श्रीमानले भने आफ्नो पत्नी खाना खानेबेला फोनमा कुरा गरिरहेको कारण रीस उठेर खानामा थुकेको बताएका छन् । जब पत्नीले थुकेको थाहा पाएर रीसाईन, श्रीमानले फेरी खानामा थुकेका थिए र अभद्र भाषा प्रयोग गरे ।

वकिलले उक्त दिन बिहान उनि कहाँ गएको भनेर प्रश्न गर्दै धेरै पटक पत्नीलाई धकेलेका थिए । त्येस्तै मे ८ मा आफ्नो पत्नी पर्किङ्गमा फोनमा कुरा गर्दै गर्दा पनि वकिलले श्रीमतीलाई कराएका थिए र उनि बसेको गाडीमाथि प्रहार गरेका थिए ।