हेटौंडा अस्पतालमा थप ४ जना कोरोना संक्रमितको मृत्यु

हेटौंडा- थप ४ जना कोरोना संक्रमितको मदन भण्डारी स्वास्थ्य विज्ञान प्रतिष्ठान हेटौंडा अस्पतालमा मृत्यु भएको छ ।

अस्पतालमा उपचारको क्रममा ३ महिला र एक पुरुषको मृत्यु भएको हो । अस्पतालका कोभिड फोकल पर्सन डा. सागर काफ्लेले ४ जनाकै मंगलवार बिहान उपचारको क्रममा मृत्यु भएको जानकारी दिएका छन् ।

उनकाअनुसार मृत्यु हुनेमा हेटौंडा उपमहानगरपालिका १४ को ६० वर्षीय पुरुष, हेटौंडा ९ की ५२ वर्षकी महिला, भीमफेदी गाउँपालिकाकी ८६ वर्षकी महिला र बारा निजगढको ६५ वर्षको महिला रहेकी छन् ।