बुटवलमा थप दुई कोरोना संक्रमितको मृत्यु

बुटवल- बुटवलमा थप २ जना कोरोना संक्रमितको मृत्यु भएको छ । मृत्यु हुनेमा एक महिला र एक पुरुष छन् ।

गुल्मीको मालिका गाउँपालिका–६ का ४८ वर्षीय पुरुषको आइतबार बिहान २ बजे मृत्यु भएको अस्पतालका सूचना अधिकारी डा‍‍. विष्णु गौतमले बताएका छन् । उनी जेठ ५ गतेदेखि कोरोना विशेष अस्पतालमा उपचाररत थिए ।

यस्तै गुल्मीको रेसुंगा नगरपालिकाकी ६५ वर्षीया महिलाको लुम्बिनी प्रादेशिक अस्पतालको आकस्मिक कक्षमा मृत्यु भएको छ । उपचारका लागि अस्पतालमा ल्याउनासाथ शनिबार साँझ साढे ७ बजे उनको मृत्यु भएको हो । उनलाई जेठ ७ मा कोरोना पुष्टि भएको थियो । अस्पतालका अनुसार दुवै जनामा श्वासप्रश्वाससम्बन्धी समस्या थियो ।