कोरोना महामारीबीच भारतमा शक्तिशाली सामुद्रिक आँधीको सन्त्राश

एजेन्सी – भारतको मौसम विभागले शनिबार गरेको अनुमान अनुसार अरब सागरबाट सुरु हुने सामुद्रिक आँधी पर्सि मंगलबार गुजरातमा चक्रवातको रूप लिएर आउनेछ । भारतमा चक्रवात् आउने आशंकाले उद्धार टोलीलाई अलर्ट राखिएको छ ।

नेसनल डिजास्टर रेस्पोन्स फोर्स (एनडीआरए) ले यही खतरा विचार गरी उद्धार तथा राहत टोलीको संख्या ५३ बाट बढाएर सय पुर्याएको छ । साथै प्रभावित हुन सक्ने ६ वटै राज्यले चक्रवातबाट हुने क्षति सामनाका लागि आआफ्ना तयारी गरेका छन् ।

सम्भावित खतरा विचार गर्न र सतर्कता अपनाउन अधिकारीहरूले नागरिकलाई आग्रह गरेका छन् ।