कोभिड १९ का जोखिमप्रति सचेत हुँदै इद मनाऔँ- प्रधानमन्त्री

काठमाडौँ– कोरोना भाइरसको बढ्दो संक्रमणबाट थप सचेत रहन आवश्यक रहेको प्रधानमन्त्री केपी शर्मा ओलीले बताएका छन् ।

मुस्लिम धर्मावलम्बीहरूको चाड इद (इद–उल–फित्र)को अवसरमा शुभकामना दिँदै कोभिड १९ को जोखिमप्रति सचेत हुँदै पर्व मनाउन आग्रह गरेका छन् ।

प्रधानमन्त्री ओलीले दिएको शुभकामना सन्देशमा नेपाल बहुधार्मिक, बहुजातीय, बहुभाषिक र बहुसांस्कृतिक विशेषतायुक्त सुन्दर देश भएकाले यस्तो विशेषतालाई मौलिक पूँजीका रुपमा लिनुपर्ने जनाउँदै लोकतन्त्र, सामाजिक न्याय, राष्ट्रिय एकता, स्वाधीनता, राष्ट्रिय अखण्डता र देशभक्तिलाई केन्द्रमा राखेर आपसी सद्भाव र सहिष्णुताका साथ पर्व बनाउनुपर्ने बताए ।