सक्रिय संक्रमितको संख्या एक लाखभन्दा बढी

काठमाडौँ- पछिल्लो २४ घण्टामा ८ हजार ९ सय ६० संक्रमित थपिएसँगै कोरोनाका सक्रिय संक्रमितको संख्या १ लाख ५ हजार २ सय ७ जना पुगेको छ ।

हालसम्म ज्यान गुमाएकाको संख्या भने ४ हजार ४ सय ४६ पुगेको छ ।

१९ हजार ४ सय ७४ जनाको पीसीआर परीक्षण गर्दा बिहीबार ८ हजार ८ सय ४२ जनामा र ७ सय ७१ नमुनाको एन्टिजेन परीक्षण गर्दा १ सय १८ जनामा पोजिटिभ देखिएको स्वास्थ्य तथा जनसंख्या मन्त्रालयले जनाएको छ।

हालसम्म कोरोना संक्रमितको संख्या ४ लाख ३१ हजार १ सय ९१ पुगेको छ । जसमध्ये १ लाख ५ हजार २ सय ७ जना सक्रिय संक्रमित हुन् । २४ घण्टामा ५ हजार ५५ जना संक्रमणमुक्त भएका छन् ।