बुटवल कोरोना अस्पतालमा थप २ जनाको मृत्यु

बुटवल- बुटवलको कोरोना विशेष अस्पतालमा थप २ जनाको मृत्यु भएको छ । मृत्यु हुने दुवैजना रुपन्देहीको तिलोत्तमा नगरपालिकाका पुरुष रहेका छन् ।

आईसीयूमा उपचाररत तिलोत्तमा नगरपालिका ५ का पुरुषको बिहीबार बिहान ७ बजेर ४५ मिनटमा मृत्यु भएको अस्पतालका सूचना अधिकारी डा. विष्णु गौतमले बताएका छन् । उनी २४ गते अस्पताल भर्ना भएका थिए ।

एचडीयूमा उपचाररत तिलोत्तमा १३ का २७ वर्षे पुरुषको गएराति ८ बजेर १५ मिनटमा मृत्यु भएको हो ।

दुवैजनामा निमुनिया र श्वासप्रश्वासको समस्या रहेको डा. गौतमले बताए ।