विश्वासको मत प्राप्त गर्न असफल, प्रधानमन्त्री ओली पदमुक्त

काठमाडौं- संसदमा विश्वासको मत प्राप्त गर्न प्रधानमन्त्री केपी शर्मा ओली असफल भएका छन्।

सोमबार प्रतिनिधिसभामा प्रधानमन्त्रीले राखेको विश्वासको मतको पक्षमा ९३ र विपक्षमा १२४ मत परेको सभामुख अग्नि सापकोटाले घोषणा गरेका छन् । त्येस्तै १५ जना सांसद तटस्थ बसे भने मतदानमा कूल २३२ सांसद उपस्थित थिए ।

प्रमुख प्रतिपक्षी नेपाली कांग्रेस, नेकपा माओवादी केन्द्र, जसपाको बाबुराम भट्टराई-उपेन्द्र यादव पक्ष, राष्ट्रिय जनमोर्चाले प्रस्तावको विपक्षमा मत दिएका थिए । जसपाकै महन्थ ठाकुर-राजेन्द्र महतो पक्ष तटस्थ बसेको थियो । एमालेकै माधव नेपाल-झलनाथ खनाल पक्षका केही सांसदहरु बैठकमा अनुपस्थित रहे ।

विश्वासको मत लिन असफल भएसँगै प्रधानमन्त्री संविधानबमोजिम स्वतः पदमुक्त भएका छन् ।