अहिलेसम्म नभएको विकास यो सरकारले गरेको छ:प्रधानमन्त्री ओली

काठमाडौँ- सरकारका कामहरू प्रष्ट देखिएको प्रधानमन्त्री केपी शर्मा ओलीले दाबी गरेका छन् । सोमबार विश्वासको मत लिनुअघि प्रतिनिधि सभामा बोल्दै प्रधानमन्त्री ओलीले तस्बिर आफै बोल्छ भनेजस्तै हाम्रा उपलब्धिहरू आफै बोलेकाे बताएका हुन् ।

उनले भने , “व्यावहारिक रुपमा कार्यान्वयन गर्ने सन्दर्भमा राष्ट्रिय हितलाई सर्वोपरी राखेर, राष्ट्रिय स्वाभिमानलाई माथि उठाउने सवालमा वर्तमान सरकारले कुनै कसर बाँकी राखेको छैन । तस्बिर आफै बोल्छ भनेजस्तै हाम्रा उपलब्धिहरू आफै बोल्छन् । म विश्वास गर्छु, हामी सार्वभौम जनताको प्रतिनिधित्व गरेर यहाँ उभिएका छौँ, सार्वभौम जनताको प्रतिनिधित्व हामी गर्छौँ । यस्तो अवस्थामा स्वार्थबाट निर्देशित भएर होइन, कहाँ आबद्ध छु भनेर हैन । सत्यलाई पछ्याएर निर्णय गर्नुपर्छ । हामीलाई सत्यलाई पछ्याउछौं भने वर्तमान सरकार कुनै हिसाबले विश्वास नगर्नुपर्ने सरकार होइन । एउटा अग्नी परीक्ष होइन ।”

राष्ट्रियताको सवालमा नेपालले अन्तर्राष्ट्रिय सवालमा खेलेको भूमिकाहरूमा नेपाल सुनिन थालेको, देखिन थालेकोसमेत प्रधानमन्त्री ओलीले दाबी गरे ।

उनले भने, “मैले धेरै स्मरण गराइराख्नु पर्दैनजस्तो लाग्छ । राष्ट्रियताको पक्षमा त्यति सुदृढ र व्यवस्थित सरकालाई विश्वास नगर्नुपर्ने कुनै कारण छैन। “