आजको बैठकमा खनाल-नेपाल समूहका सांसदहरु उपस्थित नहुने

काठमाडौँ- नेपाल-खनाल समूहका सांसदहरु आजको विश्वासको मत लिने बैठकमा उपस्थित नहुने भएका छन् ।

तत्काल राजीनामा नदिने बरु प्रधानमन्त्री केपी शर्मा ओलीले विश्वासको मत लिने सोमवारको बैठकमा अनुपस्थित रहने निर्णय गरेको खनाल-नेपाल पक्षीय एक सांसदले जानकारी दिए ।

तत्काल राजीनामा नदिने निर्णय भएको छ । हामी प्रधानमन्त्रीले विश्वासको मत लिने आजको बैठकमा अनुपस्थित रहन्छौं, बैठकपछि एक सांसदले भने । प्रधानमन्त्री ओलीले सोमवार प्रतिनिधि सभाबाट विश्वासको मत लिने तयारी छ । खनाल-नेपाल पक्ष अनुपस्थित रहेमा प्रधानमन्त्रीको पक्षमा बहुमत पुग्दैन ।