एन्टिजेन पोजिटिभ देखिएका एक पुरूषको मृत्यु

गुल्मी- भारतबाट आएका एन्टिजेन पोजिटिभ देखिएका एक पुरूषको गुल्मीमा मृत्यु भएको छ । स्वास्थ्य कार्यालय गुल्मीले बैशाख २ मा छत्रकोट गाउँपालिका-३ का ४५ वर्षीय पुरूषको शनिबार राति ११ बजे मृत्यु भएको जनाएको छ ।

भारतबाट आउँदा नै उनीमा ज्वरो आएको थियो भने बैशाख ३ मा एन्टिजेन परीक्षण पोजिटिभ आएको थियो । स्वास्थ्य कार्यालय गुल्मीका सूचना अधिकारी पशुपति आचार्यका अनुसार उनको स्वाब लिई अहिले परीक्षणका लागि रुपन्देही पठाइएको बताएका छन् ।

गुल्मीमा अहिले कोरोना भाइरका संक्रिय संक्रमित २७ जना रहेका छन् । हालसम्म १५ जना कोरोना संक्रमितको मृत्यु भइसकेको छ ।