टाउकोमा हानियो भने शरीर ढल्ने भयो भनेर ममाथि हमला गरियो: प्रधानमन्त्री ओली

काठमाडौं- प्रचण्ड र माधवकुमार नेपालको आफूहरुलाई माटोमा मिलाइदिने नीति रहेको प्रधानमन्त्री तथा नेकपा एमालेका अध्यक्ष केपी शर्मा ओलीले आरोप लगाएका छन् ।

उनले पार्टी कार्यालयको शिलान्यास गर्दै सो कुरा बताएका हुन् ।

उनले भने, “केही व्यक्तिहरुको चरम महत्वाकांक्षा, कसैले नेतृत्व गरेको देख्न नसक्ने, कसैले सफलताको चर्चा गरेको सुन्न नसक्ने, संक्रिर्ण प्रवृत्तिले संगठित हमला गरे । त्यो संगठित हमलाको सिलसिला कति निर्मम थियो । शासनमा भएका भए के गर्थे होलान् ? नहुँदा त यस्तो छ । म माथिबाट हमला सुरु भयो । साधारण सदस्यबाट हटाउने काम गरियो । केपी ओलीलाई धुलोमा मिलाइदिन्छु । टाउकोमा हानियो भने शरीर ढल्ने भयो भनेर ममाथि हमला गरिएको हो ।”