प्रचण्ड नेकपा खारेज गर्ने फैसलाविरूद्ध पुनरावलोकन दिन सर्वोच्च जाँदै

काठमाडौँ- माओवादी केन्द्रका अध्यक्ष पुष्पकमल दाहाल प्रचण्डले तत्कालीन नेकपा (एमाले) र माओवादी केन्द्रबीच भएको एकता खारेज गर्ने सर्वोच्च अदालतको फैसलाविरूद्ध पुनरावलोकन दिने भएका छन्।

मंगलबार बिहान ११ बजे पुनरावलोकन दिन उनी सर्वोच्च अदालत जान लागेको उनको सचिवालयले जानकारी दिएको छ।

यसअघि गत फागुन २३ गते नेकपा नामको पार्टी कसको नाममा हुने भन्ने मुद्दाको फैसला गर्दै सर्वोच्चले २०७५ जेठ ३ गते भएको एमाले र माओवादी केन्द्रको एकतालाई खारेज गरिदिएको थियो ।