नयाँ पार्टी कार्यालय हेर्दै प्रधानमन्त्री

काठमाडौ-नेकपा एमालेले धुम्बाराहीबाट केन्द्रीय कार्यालय सार्ने भएको छ । प्रधानमन्त्री एवं नेकपा एमालेका अध्यक्ष केपी शर्मा ओलीले नयाँ पार्टी कार्यालय राख्नका लागि थापाथलीमा एक घरको निरीक्षण गर्नुभएको छ ।

हाल धुम्बाराहीमा भाडाको घरमा रहेको एमालेको पार्टी कार्यालय थापाथलीमा सार्न खोजिएको हो । थापाथलीको घर ओलीले निरीक्षण गर्नुभएपछि मात्र भाडामा लिने नलिने टुंगो लाग्ने बताइएको छ । ‘अध्यक्ष ओलीले घर निरीक्षण गर्नुभयो, आज उहाँले निर्णय दिनुहुनेछ’– प्रधानमन्त्रीको स्वीकय सचिवालयका एक सदस्यले जानकारी दिए ।

एमाले कार्यालय राख्न खोजिएको घर थापाथली हाइटमा सेन्ट जेभियर्स कलेज नजिक रहेको छ ।

नेकपा एमालेको बल्खुमा आफ्नै भवन थियो । पूरानो भएकाले सो भवन भत्काएर नयाँ बनाइँदै छ । बल्खुको कार्यालय अपायक भएको धारणा एमालेका कतिपय नेताहरुको छ । बल्खुको जग्गा बेचेर नयाँ किन्ने बारेमा पनि एमालेमा छलफल भइरहेको जानकारी प्राप्त भएको छ ।