भोजपुर परिवार कोरिया द्वारा अग्निपीड़ितलाई राहत संकलन अभियान शुरु

सोल -भोजपुर परिवार दक्षिण कोरियाले अग्नि पीड़ितको लागी राहत संकलन अभियान शुरू गरेको छ।गत मंशीर ५ गते जिल्ला सदरमुकाम स्थित भोटेपसलमा आगलागी भएको थियो।त्यहाँ स्थित एक गहना पसलमा ग्यासको सिलिन्डर पड्कीएर शुरू भएको आगलागी तीव्र गतिमा वजार तर्फ फैलिएको थियो।

सदरमुकाम स्थित नेपाली सेना,शसस्त्र प्रहरी वल, नेपाल प्रहरी एबं स्थानीय वासीको संयुक्त प्रयासमा दमकलको सहायताले निकैवेर पछि आगो नियन्त्रणमा आए पनि आठ ओटा घरहरु जलेर पूर्ण रुपमा ध्वस्त हुनुका साथै केहि घरहरुमा आंशिक रुपमा क्षती पुगेको थियो भने ती ध्वस्त भएका घरहरुमा डेरा गरी वस्ने अन्य आठ परिवार समेत आगलागीवाट पीड़ित बनेका छन।

ती पीड़ित परिवारहरुलाई व्यक्तिगत र संस्थागत रुपमा राहत आईरहेको परिप्रेक्षमा भोजपुर परिवार दक्षिण कोरियाले पनि राहत संकलन अभियान थालनी गरेको हो।यस परोपकारी कार्यमा सवैलाई दिल खोलेर सहयोग गरीदिन हुन सस्थाले हार्दिक अपील गरेको छ।

रकम संकलनको लागी खाता नं ‎३५२-८६८०-२४५१-६३

Nunghyup Bank ( कोड नं ०११) ALE MAGAR GANESH

रकम संकलन पश्चात (मोबाइल नं ‎०१० ५१९९ ७७५७ ) जानकारी गराउन संस्थाले आग्रह गरेको छ ।सहयोगीको रकम सामाजिक संजालहरु मार्फ़त अपडेट गर्दै जाने पनि संस्थाले जानकारी दिएको छ |