दुरदराजको नेक्पा गाउँमा माटोले छाएका छाना विस्थापित हुँदै

हुम्ला – हुम्लाको दुर्गम बस्तीमा पर्ने नेक्पा बस्तीमा बर्षेनी रुपमा खर तथा माटाले छाएकाा छाना हटाउने क्रम बढ्दै गएको छ । स्थानीयले मुख्य आम्दानीको श्रोत जडिबुटी संकलनबाट कमाईमा बृद्धि हुदा स्थानीयका खरका छाना विस्थापन गर्दै जस्तापाताको छाना छाउन सफल हुन भएको हो ।
निक्कै दुरदराजको चंखेली गाउँपालिका वडा नम्बर ५ को नेक्पा बस्तीमा यसअघि घरमा छाउने गरिएका खर तथा माटाका छाना बिस्थापन हुने क्रम जारी रहेको स्थानीय बुद्धि तामाङले बताउनभयो । यो कसरी सम्भव भयो त भन्ने जिज्ञासाका तामाङले गाउँमा अन्न उत्पादन राम्रै हुने भएपनि अन्य कमाईको स्रोत जडिबुटी भएपछि गाउँमा जस्तापाताका छाना छाउन सफल भएको उहाँले बताउनुभयो । सिजनमा घरका काम गर्न सक्ने सबै जना जडिबुटी संकलन गर्न जाने भएप्छि कमाई पनि राम्रो हुने गरेको छ ।

अर्का स्थानीय भिम तामाङले जडिबुटी कै कमाईबाट घरमा यसअघि रहदै आएको खरको छाना फेर्न सफल भएको बताउनुभयो । उनको परिवारले वर्षमा जडिबुटीबाट मात्र १२ देखि १ं५ लाख कमाई गर्दे आउनु भएको छ । यसवाट घरको छाना फेर्न सफल भएको उहाँले बताउनुभयो । नेक्पा गाउँका जो कोही स्थानीयलाई कमाईको कुरा उठ्ने बित्तिक्कै जवाफ आई हाल्न जडिबुटी भनेर । हालसम्म मोबाईल सेवाको समेत पहुँच हुन नसकेको नेक्पा गाउँमा आम्दानीमा आएको बृद्धिसँगै आधुनिकता समेत भित्रिन थालेको छ । घरको आम्दानी राम्रो हुने भएपछि पढे लेखेका युवायुवती अध्ययन कैै लागि सदरमुकाम सिमकोट र जिल्ला बाहिर पनि जान थाल्नु भएको छ । सरकारी जागिरमा बिरलै पहुँच भएका नेक्पावासीका लागि गतिलो आम्दानीको श्रोत जडिबुटी भएको छ । खरका छाना विस्थापन भएसँगै आगलागी र चोरीको समेत चिन्ता स्थानीयमा हटेको छ ।

वडा अध्यक्ष भैरव तामाङ पनि नेक्पामा परिवर्तन ल्याउन जडिबुटीको कमाईको महत्वपुर्ण योगदान रहेको बताउनु हुन्छ । ६६ घरधुरी रहेको नेक्पा गाउँमा ४६ घरधुरी दुई वर्षमा खरका छाना हटाएर जस्तापाता छाउन सफल भएको उहाँले बताउनुभयो । सत्तरी प्रतिशत घरका छानाहरु परिबर्तन भएकोले बर्खाको पानी र हिउदको हिउबाट समेत गाउँवासीलाई जोगिन सहज भएको छ । अब बाँकी रहेका बीस घरधुरी पनि खरका छाना हटाउने अन्तिम तयारीमा रहेको बताउदै अध्यक्ष तामाङले यो वर्षसम्म धेरै घरका छानामा परिबर्तन आउने बताउनुभयो ।

वर्षमा एक परिवारले कम्तीमा पनि जडिबुडीबाटै सातदेखि आठ लाख कमाई गर्ने गर्नु हुन्छ । शिक्षा र स्वास्थ्यमा केही सुबिधा गाउँमा पुगेको भएपनि अन्य धेरै कुरा राज्यवाट उक्त गाउँमा जान भने नसकेको बताउने उहाँले दुर्गमको कुरा सुनिदिन तीनै तहको सरकारसंग आग्रह समेत गर्नु भएको छ । वल्डंलिंकको एक लाईन इन्टरनेटबाट सञ्चार सम्पर्क गर्ने माध्याम रहेको नेक्पामा मोवाईल सेवा सञ्चालनमा छैन् । नेपाल टेलिकमको मोवाईल टावर बनाउने भएको तीन वर्ष भएपनि हालसम्म सो टावर निर्माण हुन सकेको छैन । काम बिशेषले बाहेक अन्य मानिसको समेत नेक्ता गाउँमा आवत जावत हुने गरेको छैन ।