नवलपुरबाट विप्लव सार्वजनिक, शुक्रबार विहान काठमाडाैं प्रस्थान

कावासोती –  नेकपाका नेता नेत्र विक्रम चन्द विप्लव नवलपरासी पूर्व नवलपुरबाट काठमाण्डौं प्रस्थान गर्नुभएको छ । शुक्रबार विहान ७ बजे विप्लव काठमाण्डौं प्रस्थान गर्नुभएको हो । सरकार संगको वार्ता पछि विप्लव पहिलो पटक नवलपुरको देवचुलीबाट तस्विर सार्वजनिक भएको छ । हिजो साँझ ५ बजे नवलपरासी प्रवेश गर्नुभएका विप्लव राति देवचुली नगरपालिका –१३,का शहिद परिवार रमाको घरमा बस्नुभएको थियो । विहान यहाँ स्थित कार्यकर्ताहरुसंगको भेटघाट पछि काठमाण्डौं प्रस्थान गर्नुभएको हो । देवचुलीबाट सार्वजनीक गाडी मार्फत काठमाण्डौं प्रस्थान गरेको जनाईएको छ ।
विप्लव संगै केन्द्रिय सदस्य बाला थापा र आधा दर्जन आफ्ना सहयाेगी सहित उहाँ काठमाण्डौ लाग्नुभएको जनाइएको छ । उहाँ मुग्लिन कटेको र चितवनबाट प्रहरी स्कटिङ गरेको जनाइएको छ । उहाँ अाज दिउँसाे २:00 बजे सार्वजनिक हुने कायक्रम रहेकाे छ ।