रंगशालाको बार भत्काउने पार्टीबाट निलम्बित

काठमाडौं-चितवनमा निर्माणाधिन क्रिकेट रंगशालाको बार भत्काउने कार्यकर्तालाई नेपाल कम्युनिष्ट पार्टी (नेकपा) चितवनले निलम्बन गरेको छ।

नेकपा चितवनले निर्माणधिन गौतम बुद्ध अन्तराष्ट्रिय क्रिकेट रंगशालाको बार भत्काउने कार्यमा संलग्न स्थानीय नेता प्रकाश कँडेललाई निलम्बन गरेको हो । त्यस्तै पार्टीले भैरव बस्ताकोटीलाई दुई महिनाका लागि पार्टी सदस्यबाट निलम्बन गरिएको जनाएको छ ।

जिल्ला अध्यक्ष यमबहादुर परियार ‘इन्द्रजित’द्धारा आज जारी एक विज्ञप्तीमा घटनामा संलग्न सबैलाई कानुनी कारवाहीको माग गर्दै क्षतिपुर्ती भराउन समेत माग गरेको छ ।

बिज्ञप्तिमा नेकपाले धुर्मुस सुन्तली फाउण्डेशनलाई यस्ता घटनाबाट विचलित नहुन आग्रह गर्दै हरदम साथ र सहयोगका लागि तयार रहेको प्रतिवद्धता जनाएको छ |