दक्षिण कोरिया विश्वकै १२ औँ ठूलो अर्थतन्त्र भएको मुलुक

सोल – दक्षिण कोरियाको अर्थतन्त्र विश्बकै १२ औँ ठूलो अर्थतन्त्र रहेको विश्व बैंकले जनाएको छ । विश्वभरका २०५ मुलुकहरु मध्ये आफूलाई सन् २०१८ बाट नै दक्षिण कोरियाले १२ औँ आर्थिक शक्तिशाली मुलुकका रुपमा उपस्थित गराउन सफल भएको हो ।

हाल दक्षिण कोरियाको कुल गाह्रस्थ उत्पादन १.६१९ ट्रिलियन अमेरिकी डलर रहेको छ ।

२०.४९४ ट्रिलियन अमेरिकी डलर कुल गाह्रस्थ उत्पादन सहित अमेरिका विश्वकै आर्थिक शक्तिशाली मुलुक रहेको छ । १३.६०८ ट्रिलियन अमेरिकी डलर सहित चीन दोश्रो, ४.९७१ ट्रिलियन अमेरिकी डलर सहित जापान तेश्रो स्थानमा रहेका छन् ।

सुचीको चौथो स्थानमा जर्मनी, पाचौँ स्थानमा बेलायत, छैटौँ मा बेलायत,सातौँमा फ्रांस, आठौँ स्थानमा भारत, नवौँ स्थानमा इटाली, दशौँ स्थानमा ब्राजील तथा एघारौँ स्थानमा क्यानडा रहेका छन् ।

यता प्रतिव्यक्ति आयका दृष्टिकोणबाट हेर्दा भने दक्षिण कोरिया १९२ मुलुकहरु मध्ये ३० औँ स्थानमा रहेको छ । हाल दक्षिण कोरियाको प्रतिव्यक्ति आय ३०,६०० अमेरिकी डलर रहेको छ ।