उत्तर कोरियाले आर्थिक बृद्धि लक्ष हासिलका लागि कडा कानुनी नियन्त्रण नियम ल्याउदै

सोल – उत्तर कोरियाली सर्वोच्च नेता किम जोङ उनले सत्तारुढ वकर्स पार्टिको अधिवेशनका क्रममा आर्थिक बृद्धि लक्ष हासिल गर्नका लागि कडा कानुनी नियन्त्रण नियम ल्याइने बताएका छन् । महिनौ सम्म चलेको पार्टिको अधिवेशनका क्रममा किमले उक्त कुरा बताएका हुन् ।

पार्टिको आठौँ स्थायी समिति बैठक अन्तरगत आर्थिक योजना समितिको बैठकको तेश्रो दिनको सभामा बोल्दै नेता किमले आर्थिक विकासका लागि नयाँ कानुनी प्रावधान ल्याइने बताउदै उक्त योजना सफल बनाउन विशेष कार्यदल समेत गठन गरेको बताएका छन् । उत्तर कोरियाली सञ्चार माध्यम केसिएनएका अनुसार किमले अब आर्थिक बृद्धि लक्ष हासिल गर्न कानुनी प्रावधानहरु लागु गर्न निर्देशन समेत दिएका छन् ।

बैठकका क्रममा नेता किमले देशका हरेक तह र तप्कामा भइरहेका गैरकानुनी कार्यको ब्यापक छानविन गरि देशभरबाट आर्थिक बृद्धिको नयाँ आयाम सुरु गर्न निर्देशन समेत दिएका छन् । उनले कार्यपालिकालाई उक्त विषयमा शशक्त रुपमा काम गर्न समेत निर्देशन दिएका छन् ।

उक्त बैठकका क्रममा किमले गत आर्थिक योजना असफल हुनुका कारणहरु बारे चर्चा गर्दै नयाँ आर्थिक योजना समेत सार्वजनिक गराएका छन् । उनले कोरोनाका कारण थलिएको अर्थतन्त्रलाई थप मजबुत बनाउन आत्मकेन्द्रीत आर्थिक निति अवलम्बन गर्नुपर्ने समेत बताएका छन् ।

किमले यस बर्ष मात्र एकै एजेन्डामा छलफल गर्न बोलाएको यो दोश्रो पार्टी स्थायी कमिटि बैठक हो । उनले बैठकमा मुख्य मुद्धामा मात्र छलफल गर्न निर्देशन समेत दिएका थिए ।