पोताला रेस्टुरेन्टका मालिक डिपी लामा भन्छन-‘कमल श्रेष्ठको आउने दिनहरु राम्रोसँग बितोस’

केहि दिन अघि विभिन्न अनलाइनहरुमा पोताला रेस्टुरेन्ट सोलबारे प्रकाशित समाचारमा कुनै पनि सत्यता नभएकोले खन्डन गर्दै केहि स्पष्ट पार्न चाहन्छु |

१) समाचारमा उल्लेख गरे अनुसार नेपालबाट आउदा कमल श्रेष्ठले गरेको ब्यक्तिगत खर्च बाहेक कुनै पनि आर्थिक लेनदेन नभएको ।

२) यहाँ आउनु भन्दा अगाडी कम्पनिले उपलब्ध गर्ने , सेवा शुल्क र सुबिधा दुइ पक्ष बिचमा भएको सहमति अनुरुप नै उपलब्ध भएको तथ्य स्वयमलाई थाहा भएको कुरा हो |

३) समाचारमा उल्लेख भए अनुसार कुनै पनि प्रलोभनमा पारेर ,यहाँ ल्याएर जबर्जस्ती काममा नलागाएको । यो कुरा को पुष्ठिको लागी निज कमल श्रेष्ठको आफ्नै नाताले भिनाजु रामेछाप निवासि सुर्यबहादुर श्रेष्ठ बिगत ९ बर्ष देखी हालसम्म यहि रेस्टुरेन्टमा काम गर्दै आएका छन् | उनकै छिमेकी दाइ रामेछाप फुल्पा निवासी राजु श्रेष्ठ बिगत ३ बर्ष देखि अहिलेसम्म नै यहि रेस्टुरेन्टमा काम गर्दै आएको अबस्था र अर्को कुरा निज कमल श्रेष्ठ कै पहलमा यहाँ कामको लागी आएको ,उसकै आफन्त रामेछाप निवासी नबिन श्रेष्ठ पनि बिगत ५ महिनादेखी यहीँ रेस्टुरेन्टमा काम गर्दै आइरहेका छन् |

४) श्रेष्ठ यहाँ आएर कम्पनीसँग गरेको सहमती पत्र अनुसार नै बिगत १६ महिना देखी राजिखुसीमा काम गर्दै आएको ।यदि उसलाइ कम्पनीले दिने सेवा सुबिधाहरु चित्त नबुझेको भए १६ महिना सम्म किन काम गर्यो ?

अनि उसकै पहलमा नबिन श्रेष्ठ लाइ किन यसै कम्पनिमा ५ अगाडी बोलायो ? यदि कम्पनी खराब थियो त पहिला नै किन कुरा उठाएन ।

४ ) यहाँ बिगत ९ बर्ष अघिदेखि काम गर्दै आएको ,निज कमल श्रेष्ठ कै नाताले भिनाजु रामेछाप भिरपानी निवासी सुर्यबहादुर श्रेष्ठ अहिलेसम्म पनि खुशीका साथ काम गर्दैछन ।यदि कम्पनीले तलब नदिएर , मानसिक रुपमा टर्चर दिएको भए निजले किन यति लामो समयसम्म कुनै आवाज उठाएका छैनन् ?।यो कुरा पनि बुझ्न जरुरी छ ।

५) उसले काम गर्ने बेलामा अरु सँगै काम गर्ने साथीहरू सँग पनि मिलेर काम गर्न नसकेको अबस्था । धेरै चोटी नीज सँग म काम गर्न सकिदैन , उ सँग काम गर्न सक्दिन भनेर काम प्रती गैरजिम्मेवार पन देखाएको हो ।

६) सबै जना स्टाफहरुसँगको मिटिङमा उ आफैं ले डिसेम्बरमा घर जाने प्रस्ताव गरेको र सबैको सहमतीमा डिसेम्बरमा नेपाल जाने निश्चित गरेको र त्यसको केहि दिन पश्चात् नै फेरि म अक्टोबरमा नै घर जाने भनेर अनौठो ब्यबहार देखाएको सबै स्टाफलाई अवगत रहेको छ ।त्यही भएर अक्टोबर १७ नेपाल जाने टिकट फिक्स गरेर एक महिनाको थप बोनस तलब शुद्ध ,सबै पेमेन्ट बुझेर बसेको अबस्थामा , अक्टोबर १३ तारीख कै दिन राती बिगत २ बर्ष देखी यही रेस्टुरेन्टमा काम गर्दै आएको उसकै आफन्त पर्ने रामेछाप भिरपानी निवासी राजु श्रेष्ठलाई पनि साथ लगेर दुबै जना कम्पनी छोडेर फरार भएको अबस्था । अक्टोबर १४ तारिखमा उनिहरु भागेर गएर बसेको ठाउँ (ख्वाङ्जु ) पत्ता लाग्यो र त्यस्कै भोली पल्ट अक्टोबर १५ तारिखको दिन दुबै जना नेपाल गएका हुन् |

यस बिषयमा समाचार सम्प्रेषण गर्ने मिडियाले वास्तविकतालाई ध्यान नदिएको देखिएको छ | कुनै पनि बिषयमा एक पक्षले दिएको जानकारीकै आधारमा बहकिएर समाचार सम्प्रेषण गर्दा अर्को पक्षलाई पर्ने प्रभावबारे ध्यान नदिएको देखिन्छ ।पिडक पक्षको कुनै प्रतिक्रिया नलिइकन कान्तिपुर जस्तो देश को गरिमामय पत्रीका ले यस्तो खालको गलत समाचार सम्प्रेषण गर्नु भनेको मिडियाप्रती जनतामा भएको बिश्वास माथीको प्रहर जस्तो लाग्छ ।

कोरियाको इमिग्रेसन नियम अनुसार आफुले काम गरेको कम्पनी छोडेर बिना जानकारी अर्को कम्पनिमा गएर काम गर्दा ,पहिलाको कम्पनीमा अर्को कामदार ल्याउन नपाइने र भएको कामदारको भिसा थप्नको लागी पनि इमिग्रेसनले समस्यामा पारिदिन्छ्न । जसको कारणले गर्दा कम्पनी को भबिस्य नै अन्योलमा पर्न गइ लगानी नै डुब्ने खतरा हुन्छ |

यहाँको न्युनतम तलबको बारेमा पनि बुझ्न जरुरी छ । कोरियाको सरकारले तोकिएको न्युनतम मजदुरको तलब भनेको प्रती महिना १२,६,२७० वन तोकिएकोछ ।यसमा खाने , बस्ने र यातायात सुबिधा समाबेस गरिएको हुदैन । बाहिर घण्टा बेसिकमा काम गर्दा अलि धेरै पैसा पाए पनि दिनमा ८ घन्टा काम गरेर पाउने न्युनतम मासिक तलब भनेको १२,६,२७० वन मात्रै हो ।

साँच्चै पिडितले भने जस्तै डीपी लामा खराब थियो त ? के डि पि लामा ले आफ्नो मजदुरहरुसँग त्यस्तो नराम्रो ब्यबहार गरेको थियो त ? यो कुरा प्रष्ट हुन पर्दछ र प्रष्ट हुनको लागि डि पि लामाको बिगत देखी हाल सम्मको पृष्ठभुमि बुझ्न जरुरी छ ।

डिपि लामाले कोरियामा आप्रवासी मजदुर युनियन पहिलो चोटी गठन गर्दाखेरी संस्थापक सदस्यको रुपमा रहि आप्रवासी मजदुरको हकहितको लागि आवाज उठाउनु भएको थियो । संगठन निर्माणदेखी मजदुरहरुको विभिन्न समस्याको लागी जहिले पनि सहयोगी भएर काम गर्दै आउनु भएकोछ ।

यस्तै केहि बर्ष पहिला इपिएसबाट कोरिया मा आउनुभएका दुई जना नेपाली मजदुरलाइ कम्पनी मालिकले तलब नदिएर कम्पनीबाट निकालिएको अबस्थामा उद्वार गरि , कम्पनी मालिकको बिरुद्धमा लेबर कोर्टमा केस फाइल गरेर पाउनु पर्ने तलब सुबिधा दिलाइ अर्को कम्पनीमा सिफ्ट गरेर सहयोग गर्नुभएको थियो ।

यसरी के बुझ्न सकिन्छ भने डिपि लामा बिगतमा आफै पिडित मजदुरको रुपमा कोरियामा काम गर्दै , आप्रवासी मजदुरहरुको हकहितको लागी संघर्ष गर्दै आएको ब्यक्ति भएको हुनाले समाचारमा आरोपिले आरोप लगाए जस्तै , मजदुरलाइ मानसिक टर्चर दिने , तलब नदिने कम्पनी मालिक नभएको पुष्टि गर्दछ ।

२०७२ बैसाख १२ को बिनासकारी महाभुकम्प गएको बेलामा डिपि लामाको आफ्नो एक्लो पहलमा रहात संकलन गरेर दुइ चोटी आफैं नेपाल गएर आफ्नो कम्पनीमा काम गर्ने कामदारहरुको जिल्ला , रामेछाप , काभ्रे , सिन्धुली ,गोर्खा र सिन्धुपाल्चोक को बिभिन्न ठाउमा राहत सामाग्री बितरण गर्नुभएको थियो ।यसरी वहाँ ले मानवीय सेवा र उद्दार को लागी पनि अमुल्य योगदान दिंदै आउनु भएकोछ ।

कमल श्रेष्ठ भनेको बिगत १६ महिना अघिदेखी यसै पोतला रेस्टुरेन्टमा काम गर्दै आउनु भएको एक जेहेन्दार , मिहिनेती मजदुर हुनुहुन्थ्यो ।आबेगमा आएर निजले कम्पनी र मेरो ब्यक्तिगत चरीत्र माथी आँच आउने खालको अभिव्यक्ति मिडिया मार्फत दिए पनि म र मेरो पोतला रेस्टुरेन्ट परिवारले त्यसलाइ उसको क्षणिक रिसको आबेगमा आएर दिएको अभिव्यक्तिको रुपमा लिएका छौं । यस्तो आरोप र प्रत्यारोहरुले कसैलाई पनि फाइदा गर्दैन । यहाँ लामो समय सँगै काम गरेको हुनाले निज कमल श्रेष्ठको आउने दिनहरु राम्रोसँग बितोस भन्न चहान्छौं ।