उत्तर कोरियाली ह्याकरहरुद्ववारा कोरोना भाइरस वरिुद्धको खोपका डाटाहरु ह्याकको प्रयास

सोल – उत्तर कोरियाली ह्याकरहरुले कोरोना भाइरस विरुद्ध तयार भइरहेका खोपहरुका तथ्यांक चोरी गर्न सकृय भएको समाचार माइक्रोसफ्टले सार्वजनिक गरेको केही दिन नबित्दै पूनः ह्याक प्रयास गरेको समाचार बाहिरिएको छ । रोयटर्समा प्रकाशित समाचार अनुसार दक्षिण कोरियाका ४ सहित ९ वटा औषधि निर्माता कम्पनिहरुका तथ्यांक चोर्न ह्याकरहरु लागि परिरहेका छन् ।

उत्तर कोरियाली ह्याकरहरुले साइबर हमला मार्फत बेलायतको आष्ट्राजेनेका, अमेरिकाको जोनसोन एण्ड जोनसोन नोभाभ्याक्स, दक्षिण कोरियाका ४ वटा औषधि उत्पादकहरु जीनिक्षिन, बोरियुङ फार्मासिटिकल, सिमपोङ फार्मासिटिकल तथा सेल्ट्रियन रहेका छन् ।

अनुसन्धानकर्ताहरुका अनुसार ह्याकरहरुले औषधि निर्माता कम्पनिहरुले जस्तै लग इन बग वेवसाइटको निर्माण गरि कर्मचारीहरुको सुचना सैप्रेषण गर्न लगाउने गरेको पाइएको छ । उक्त वेवसाइटबाट परिचय नम्बर तथा पासवर्डहरु चोरि गर्न खोजेको बताइएको छ । ति बग वेवसाइटहरुको डोमेन उत्तर कोरियाली ह्याकरहरुको रहेको समेत अनुसन्धानबाट थाहा भएको छ ।

अमेरिकी अनुसन्धानकर्ताहरुले समेत ह्याक प्रयासमा उत्तर कोरियाली ह्याकरहरु संलग्न रहेको स्वीकार्दै प्रभावकारी नियमनमा जोड दिनुपर्ने बताएको छ । नोभाभ्याक्सका प्रवक्ताले सबै खोप निर्मातालाई सचेत रहन अनुरोध समेत गरेका छन् ।