दक्षिण कोरियामा फेसबुकलाई ६७ लाख अमेरिकी डलर जरिमाना

सोल – दक्षिण कोरियाली साइबर विभागले फेसबुकलाई ६७ लाख अमेरिकी डलर जरिमाता गरेको छ । ब्यक्तिका विवरण उनीहरुको अनुमति बिना नै अन्यत्र लगिएको पाइए पश्चात विभागले बुधबार फेसबुकलाई उक्त कारवाही गरेको हो । फेसबुकले ३३ लाख दक्षिण कोरियालीहरुको ब्यक्तिगत विवरण अमेरिकी कम्पनिसम्म पुर्याएको दक्षिण कोरियाली साइबर विभागले बताएको छ ।

व्यक्तिगत सुचना संरक्षण आयोगका अनुसार फेसबुकले दक्षिण कोरियाली व्यक्तिगत अधिकनर सम्बन्धि कानुनको अवमुल्यन गरेको छ । उक्त कानुन लागु गरिए यता फेसबुक पहिलो पटक कारवाहीमा परेको समेत आयोगले बताएको छ ।

आयोगका अनुसार फेसबुकले प्रयोगकर्ताको अनुमति बिनानै उनीहरुको नाम, जन्म मिति, ठेगाना, कार्य अनुभव, सम्बन्धको स्थिति लगायतका विवरण लिएको थियो । हाल सम्म कति जनाको विवरण लगियो भनेर फेसबुकले केही पनि जानकारी नदिएको तथा अनुसन्धानमा सहयोग समेत नगरेको आयोगले बताएको छ ।

यता फेसबुकले भने एक विज्ञप्ति जारी गर्दै उक्त घटनाले दु:खित बनाएको बताएको छ । विज्ञप्ति मार्फत अनुसन्धानमा सहयोग गर्ने बचा दिँदा दिदै जरिमाना तोकिनु तथा आपराधिक कसुरमा मुद्दा दर्ता गरिनु समेत दु:खद भएको बताएको छ ।