उत्तर कोरियाको एक मेडिकल विद्यालयमा भएको भ्रष्टाचार प्रकरण प्रति किम जोङ उन आक्रोशीत

सोल – उत्तर कोरियाली सर्वोच्च नेता किम जोङ उन त्यहाँ स्थित एक मेडिकल विद्यालयमा भएको भ्रष्टाचारसँग सम्बन्धित घटनालाई लिएर आक्रोशित बनेका छन् । उनले उक्त घटनालाई ‘समाजवाद बिरोधी’ संज्ञा दिँदै संलग्नलाई कडा कारवाहीको निर्देशन दिएका छन् ।

उत्तर कोरियाली सरकारी समाचार संस्था केसिएनएका अनुसार किमले त्यस किसिमका गतिविधि रोक्न कडा निर्देशन दिएका छन् । सत्तारुढ वर्कर्स पार्टीको आधिकारिक समाचार संस्था रोडोङ सिनमुनले समेत उक्त घटनालाई गम्भिर अपराध बताउँदै दोशी उपर हदै सम्मको कारवाही गरिने बताएको छ ।

श्रोतका अनुसार उक्त मेडिकल विद्यालयले विद्यार्थि भर्नाका समयमा तथा प्रमाण पत्र वितरण गर्ने समयमा घुष लिएको पाइएको छ । विद्यालयका अधिकारीहरुले छात्रा विद्यार्थिहरुसँग यौन आकांक्षा समेत राखेको पाइएको छ ।

किम जोङ उनले सोही मद्दालाई लिएर दुई जना अधिकारीलाई घटुवा गराइसकेका छन् भने संलग्नलाई कडा कारवाही गर्न अनुसन्धान समिति समेत गठन गराएका छन् । उनले देशमा भ्रष्टाचार कुनै हालतमा नस्विकार्ने समेत बताएका छन् ।