उत्तर कोरियाले गर्यो, हालसम्मकै ठूलो सैन्य तालिम

सोल – उत्तर कोरियाद्वारा गत महिना ठूलो हवाई सैन्य तालिम सञ्चालन गरेको छ । उसले औसतमा प्रत्येक दिन ६५० बढी सैन्य उडान भरेको समाचारमा बताइएको छ । दक्षिण कोरियाली सीमा क्षेत्र नजिकै सञ्चालन गरिएका ति उडानहरु बिदाका दिनहरुमा समेत सञ्चालन गरिएका थिए ।

दक्षिण कोरियाली सरकारी श्रोतले भन्यो – उत्तर कोरियाको पछिल्लो गतिविधि शंकास्पद छ । उसले जाडो समयको तालिम गराउन सैन्य विमानहरु उडाउने गरेको थियो तर यति धेरै भने उडाउने गरेको थिएन । यो किम जोङ उनले गत जनावरीमा हवाई सैन्य बेसक्याम्पको निरिक्षण पश्चातकै ठूलो सैन्याभ्यास समेत हो ।

दक्षिण कोरियाली सैन्य श्रोतका अनुसार उत्तरले औसतमा नियमित तालिमका क्रममा १०० सैन्य उडान भर्ने गर्दथ्यो र जाडो समयमा ठूलो सैन्य तालिमका बेला समेत उसले ३००-४०० मात्र उडान भर्ने गर्दथ्यो । यता दक्षिण कोरियाले भने तालिमका क्रममा औसतमा ७००-८०० सैन्य उडान भर्ने गर्दछ ।

सन् १९९० यता उत्तर कोरियाले औसत रुपमा ४५०-५०० तालिम उडान भर्ने गर्दथ्यो भने हाल उसले उक्त संख्या बढाएर ६०० पुर्याएको छ । उत्तरले उक्त उडानका लागि एफ-१६ फाइटर जेटको प्रयोग गर्दछ । प्रत्येक उडानका लागि उक्त जहाजमा दुई देखि तीन मिलियन वोन खर्च हुने गर्दछ ।

पछिल्लो समयमा उत्तरले सैन्य उडान संख्यामा बृद्धी गरेसँगै दक्षिण कोरिया समेत सचेत भएको सैन्य अधिकारीले बताएका छन् ।