बुटवलमा थप एकजना कोराना संक्रमितको मृत्यु

काठमाडौं- बुटवलमा थप एकजना कोरोना संक्रमितको मृत्यु भएको छ ।

उपचारका क्रममा सोमबार बिहान ६ बजे बुटवल उपमहानगरपालिका-१७ निवासी ४५ वर्षीय पुरुषको लुम्बिनी प्रादेशिक अस्पतालको कोरोना विशेष अस्पतालमा मृत्यु भएको हो ।

शनिबार नै कोरोना संक्रमण पुष्टि भएका उनको श्वासप्रश्वासमा समस्या र ज्वरो आएपछि शनिबार अस्पताल भर्ना भएका थिए ।

मृतक कलेजो र मिर्गौला रोगबाट पीडितसमेत भएको लुम्बिनी प्रादेशिक अस्पतालले जनाएको छ ।

सोमबार बिहानै रुपन्देहीको सैनामैनाकी एक ५६ वर्षीया कोरोना संक्रमित महिलाको भीम अस्पताल भैरहवामा मृत्यु भएको थियो ।