सोमालिया आक्रामणमा उत्तर कोरियाली मोर्टार प्रयोग

सोल – यस बर्षको सुरुवातमा सोमालिया स्थित संयुक्त राष्ट्रसंघको कार्यालयमा इस्लामिक अतिवादी समुह अल-सबाबद्वारा गराइएको आतङ्ककारी हमलामा उत्तर कोरियाली मोर्टार प्रयोग गरिएको पाइएको छ । उक्त मोर्टार पाइएसँगै दुई समुह बीच हतियारको लेनदेन भएको हुनसक्ने आशंका समेत गरिएको छ ।

गत फेब्रुअरी बाट मे महिनाको बीचमा सोमालियाको राजधानी मोगादिशु स्थित अन्तराष्ट्रिय विमानस्थल तथा अन्य महत्वपूर्ण क्षेत्रमा ६ वटा मोर्टार हमलाहरु गरिएका थिए । अलकायदा समर्थित उक्त समुहले ६० एमएम मोर्टार एडेन एडे बिमानस्थल नजिकै रहेको संयुक्त राष्ट्रसंघको कार्यालयमा १७ फेब्रुअरीमा प्राहार गरेका थिए ।

सेप्टेम्बर २८ मा आफ्नो अन्तिम घटना प्रतिवेदन बुझाउदै प्रजातान्त्रिक जन गणतन्त्र कोरिया (उत्तर कोरिया) मा बनेका दुइ राउण्ड मोर्टारहरु प्राहार गरिएता पनि बिष्फोट भने नभएको बताइएको छ । ६० एमएमको एचई -६३ मोडलका उक्त मोर्टारहरु उत्तर कोरियामा बनेको पाइएको कार्यालयले जनाएको छ ।

सन् १९८७ मा उत्तर कोरियाले गराएको मिसाइल आक्रामणमा परि एक बिमानमा सवार ११५ जनाको मृत्यु भए पश्चात उसलाई सन् १९८८ मा आतङ्ककारीलाई प्रश्रय दिने मुलुकको सुचीमा राखिएको थियो । सन् २००८ मा परमाणु हतियारबाट निशश्त्रीकरण गर्न सघाउने सर्तमा उसलाई उक्त सुचीबाट हटाइएको थियो ।

यता संयुक्त राष्ट्रसंघको प्रतिवेदन पश्चात भने उत्तर कोरियाको आतङ्ककारी समुहसँग साटगाठ रहेको ठहर गरिएको छ । उत्तर कोरियाले आतङ्ककारी समुहलाई हतियार दिएको हुनसक्ने आशंका समेत राष्ट्रसंघले गरेको छ ।