समीकरण फेर्ने रणनीतिमा प्रधानमन्त्री ओली

काठमाडौँ-पार्टीभित्रको अन्तहीन बिबादबिच प्रधानमन्त्री एबम नेकपा अध्यक्ष केपी ओलीले लगातार आन्तरिक समीकरण फेरबदलको कोसिस राखेका छन्।

प्रधानमन्त्री ओलीले एक साताभित्रै दुईपटक बरिष्ठ नेता माधवकुमार नेपाललाई भेटेर सहकार्यको प्रस्ताव गरेका छन्। तर बिगतमा जस्तै नेता नेपालले विधि र पद्धतिकै मुद्धामा जोड दिएका छन्।

कार्यकारी अध्यक्ष पुष्पकमल दाहाल प्रचण्डसंग अविश्वास र दुरी बढिरहेका बेला प्रधानमन्त्री ओलीले नेकपभित्र अंक गणितमा निर्णायक भूमिकामा रहेका समुहको नेतृत्व गरिरहेका बरिष्ठ नेता नेपालसंग सहकार्यको कोसिस अगाडी बढाएका हुन्।

प्रचण्डसंग १० दिन देखि संवाद ठप्प रहेकै अवस्थामा प्रधानमन्त्री ओलीले सरकारी निवास बालुवाटार बोलाएर नेता नेपालसंग एक हप्ताकै बीचमा दोश्रो पटक लामो भेटबार्ता गरेका छन्।

स्थायी कमिटिको निर्णय कार्यन्वयनलाई लिएर ओली प्रचण्डबीच मनमुटाव देखिएको छ।

पछिल्लो पटक प्रधानमन्त्री ओली र बरिष्ठ नेता नेपालबीच मंगलबारमा साढे दुई घण्टा लामो भेटबार्ता भएको थियो। ओली र नेपालबीच ग मंगलबार दिउँसो १२ बजेदेखि संवाद भएको थियो। यो समाचार आजको नयाँ पत्रिकाले छापेको छ।