कोरियामा बस चालकलाई गाली गर्दा १० महिना जेल

सोल – दक्षिण कोरियाको राजधानी सोल स्थित एक अदालतले बस चालकलाई गाली गलौज गरेको अभियोगमा एक ब्यक्तिलाई १० महिनाको जेल सजाय तोकेको छ । सोलको उत्तरी जिल्ला अदालतले नाम नखुलाइएका ६१ बर्षिय ति ब्यक्तिलाई गाली गलौजको अभियोगमा उक्त फैसला सुनाएको हो ।

गत अगष्ट १४ मा बस चालकले ति व्यक्तिलाई मास्क प्रयोग गर्न अनुरोध गर्दा बस चालक माथि असभ्य गाली गर्नुका साथै उनले बसमा यात्रा गरिरहेका अन्यलाई समेत तथानाम गरेका थिए । बस चालकले उक्त बिषय प्रहरीलाई बताउँदा उनी बस चालकमाथि नै जाई लागेका थिए । प्रहरीका अनुसार उनले चालकको कपाल तानेका थिए ।

बस चालकलाई धम्कीपुर्ण ब्यवाहार गरेका उनलाई नियन्त्रणमा लिने क्रममा प्रहरीलाई समेत नङ्ग्र्याउन भ्याएका थिए । उनलाई नियन्त्रणमा लिन हम्मे हम्मे परेको प्रहरीले बताएको छ । प्रहरी नियन्त्रणमा समेत आक्रामक उनी माथि थप कारवाही हुन सक्ने समेत अदालतले बताएको छ ।

कोरोना संक्रमण पश्चात दक्षिण कोरियामा फेस मास्क नियम अनिवार्य गरिएको छ । नियम उल्लङ्घन गर्नेलाई १,००,००० लाख वोन अर्थात ८८ अमेरिकी डलर जरिमानाको ब्यवस्था गरिएको छ ।