कोरियालाई कोरोनाले नगन्यमात्र प्रभाव पार्यो -अन्तरष्ट्रिय मुद्रा कोष

सोल – कोरोना संक्रमणका कारण विश्व थला परेका बेला दक्षिण कोरियामा भने नगन्य प्रभाव परेको अन्तराष्ट्रिय मुद्रा कोषले बताएको छ । कोषका ब्यवस्थापकीय निर्देशक क्रिष्टालिना जर्जिभाले दक्षिण कोरियाली अर्थ मन्त्री होङ नाम की सँगको कुराकानीका क्रममा सो कुरा बताएका हुन् ।

कुराकानीका क्रममा अर्थ मन्त्री होङ नाम कीले अन्तराष्ट्रिय मुद्रा कोष तथा दक्षिण कोरिया सरकार बीच भइरहेको आपसी सहकार्यलाई आगामी दिनमा अझ शशक्त रुपमा अगाडी बढाउने बिषयमा कुराकानी भएको बताइएको छ ।

यता मुद्रा कोषका निर्देशक जर्जिभाले दक्षिण कोरियाको कोरोना रोकथाम तथा नियन्त्रण प्रणालीको सक्रियताका कारण देशको अर्थतन्त्रमा नगन्य मात्र असर परेको बताउदै महामारी नियन्त्रणमा सक्रिय उक्त टोलीप्रति बधाई तथा धन्यवाद समेत दिएका छन् ।

अन्तराष्ट्रिय मुद्रा कोषले गरेक‍ो प्रक्षेपण अनुसार कोरोना संक्रमणका कारण दक्षिण कोरियाको अर्थतन्त्र बिगतको भन्दा १.९ प्रतिशतले खुम्चिने छ जुन विश्वकै दोश्रो कम प्रभावित अर्थतन्त्र हो । प्रथम स्थानमा रहेको लिथुनियाको १.८ प्रतिशतले खुम्चिने प्रक्षेपण कोषको छ ।

दक्षिण कोरियाले चार वटा पुरक बजेट मार्फत देशको अर्थतन्त्रलाई ब्यालेन्स गर्न प्रयास गरिरहेको अर्थ मन्त्री होङ नाम कीले उक्त कुराकानीका क्रममा बताएकी छन् ।