जासुसी संस्था ‘रअ’ प्रमुख प्रधानमन्त्री ओलीकै इच्छामा आएका थिए

काठमाडौँ-राष्ट्रियताको बिषयमा नेपाल र भारतबीच कूटनीतिक र राजनीतिक बार्ताको पतीक्षा भैरहेको बेला अचानक गुप्तचर प्रमुखको इन्ट्रीले देशभक्त नेपालीको मन कुडिएको छ।

नेपालका प्रधानमन्त्रीले भारतीय प्रधानमन्त्रीसंग ,मन्त्रीले मन्त्रीसग संवाद गर्नुपर्नेमा भारतको जासुसी संस्थाका प्रमुख सीधै नेपाल आएर प्रधानमन्त्रीसंग मध्यरातसम्म बार्ता गरेका छन्।

यसले कूटनीतिक मर्यादा र देशको स्वाभिमान ध्वस्त बनाएको भन्दै सत्तापक्ष र प्रतिपक्षका नेताहरुले कडा बिरोध जनाएका छन्।

प्रधानमन्त्री केपी ओली र ‘रअ’ प्रमुख सामन्तकुमार गोयलबीचको भेटवार्ताको योजना दुई साता अगाडीबाट भएको श्रोतको दाबि छ। श्रोतका अनुसार दुई साता अघि रअ का डेपुटी प्रमुख नेपाल आएर प्रधानमन्त्री ओली संग भेटेका थिए।

उनि पनि प्रधानमन्त्रीकै चाहनामा नेपाल आएका थिए। भेटमा प्रधानमन्त्री ओलीले ‘तपाइको प्रमुख संग भेट्न चाहन्छु ‘ भन्ने प्रस्ताव गरेका थिए।
उनले दिल्ली गैर यसबारे छलफल गर्ने बताएका थिए। नेपालका प्रधानमन्त्रीले नै भेट्न चाहेका छन् भने पछि रअ प्रमुख बायुसेनाको जहाज चढेर दलबलसहित काठमाडौँ आएका हुन्।

छिमेकी देशको आन्तरिक राजनीतिमा जासुसी र हस्तक्षेप गर्ने भनेर बद्नाम भारतीय गुप्तचर संस्था रिसर्च एण्ड एनालाइसिस विङ्ग (‘रअ ) का प्रमुख सामन्तकुमार गोयलको टोली बुधबार नेपाल आएको थियो। यो समाचार आजको नयाँ पत्रिका दैनिकले छापेको छ।