उत्तर कोरियामा सीमा बिहिन डक्टरहरुले कोरोना उपचार गर्ने

सोल – अन्तराष्ट्रिय स्वास्थ्य साहायोग गर्ने एक च्यारिटी संस्थाले हालै संयुक्त राष्ट्रसंघबाट उत्तर कोरियामा गएर स्वास्थ्य सहयोग गर्ने अनुमति पाएको छ । उक्त संस्थाले उत्तर कोरियामा गएर कोरोना भाइरस तथा क्षयरोगको उपचार गर्ने समाचारमा बताइएको छ ।

संयुक्त राष्ट्रसंघीय सुरक्षा परिषद ले सीमा बिहिन डक्टरहरुको संस्था एमएसएफलाई उत्तर कोरिया गएर सेवा गर्ने अनुमति दिएको हो । उक्त संस्थाले उत्तर कोरियामा पोषण तत्व सहयोग, क्षयरोग तथा कोरोना भाइरसको परिक्षण तथा उपचार गर्ने छ ।

उत्तर कोरियाको हाम्योङ क्षेत्रमा सञ्चालन गरिने उक्त स्वास्थ्य सिविरमा आवश्यक पर्ने ६००० सर्जिकल मास्क, २००० थान पिपिई तथा १००० थान स्वासप्रश्वासमा आवश्यक फिल्टर १२ महिनाका लागि लैजान अनुमति समेत प्राप्त गरिसकेको छ ।

हालसम्म संयुक्त राष्ट्रसंघ सुरक्षा परिषदले विश्वका १२ देशहरुका मानवीय सेवा गर्ने परोपकारी संस्थाहरुलाई उत्तर कोरिया गई स्वास्थ्य सेवा प्रदान गर्न अनुमति दिइसकेको छ । फिनल्याण्ड, ईटाली तथख दक्षिण कोरियाले गत जुन महिनाबाट नै उत्तर कोरियामा आफ्ना मानवीय सेवाहरु प्रदान गर्दै आइरहेका छन् ।