प्रधानमन्त्री ओली नै संघियता बिरोधी

काठमाडौँ-प्रधानमन्त्री केपी ओलीले प्रदेश सरकारलाई संघीय सरकारको ‘प्रशासनिक युनिट’भनेर दिएको अभिव्यक्तिको प्रदेश सरकारका मन्त्री तथा सांसदले ब्यापक बिरोध गरेका छन्।

उनीहरुले प्रधानमन्त्री ओलीलाई संघीयता विरोधीको संज्ञा दिएका छन्। यो समाचार आजको नयाँ पत्रिका दैनिकले छापेको छ।

समाचार अनुसार प्रदेश २ सभाको आर्थिक तथा योजना समितिका सभापति मनीष सुमनले प्रदेश सरकारको सम्बन्धमा प्रधानमन्त्री ओलीले दिएको अभिव्यक्ति संघीयता बिरोधी र पुरानो मानसिकताको उपज भएको बताए।

‘संघीयतालाई संस्थागत गरेको संबिधान कै सपथ खाइ प्रधानमन्त्रीजस्तो गरिमामय पदमा बस्ने व्यक्तिको यस्तो अभिव्यक्तिलाई घोर भ्रत्सना गर्दछु।’,जनता समाजबादी पार्टीका नेता सुमनले भने , ‘प्रधानमन्त्री ज्यूको यो मानसिक दरिद्रता हो अबिलम्ब यस्ता अभिव्यक्ति सच्याउनुपर्छ। ‘

प्रधानमन्त्रीको अभिव्यक्तिलाई लिएर बागमती प्रदेश , कर्णाली र सुदूरपश्चिम प्रदेशका सरकार र प्रतिपक्षी सभासदहरुले बिरोध जनाएका छन्।