जनता भोकभोकै, खाद्यको चामल कुहाउनेलाई भने उन्मुक्ति

काठमाडौँ-अख्तियार दुरुपयोग अनुसन्धान आयोगले खाध्य व्यवस्था तथा ब्यापार कम्पनीको थापाथलीस्थित गोदाममा रहेको लाखौँ रुपैयाँ बराबरको चामल कुहाउने कर्मचारीलाई उन्मुक्ति दिने तयारी गरेको समाचार आजको राज्दनी दैनिकले छापेको छ।

समाचार अनुसार हुम्ला,जुम्ला बाजुरा लगायत बिकट जिल्लाका नागरिकले भोकभोकै बस्नु परिरहेको बेला अख्तियारले थापाथली गोदाममै ४ सय ९७ क्विन्टल २२ किलो बासमती चामल कुहाउने कम्पनीका कर्मचारीलाई उन्मुक्ति दिन लागेको हो।

कम्पनीका कर्मचारीको चरम लापरबाहीका कारण गोदाममै ४० लाख ४३ हजार ९ सय २६ रुपैयाँ बराबरको बासमती चामल कुहिएको थियो।

३ मङ्सिर २०७६ मा चामल समाचार प्रकाशित भएपछि अख्तियारले छानबिन सुरु गरेको थियो तर पछिल्ला दिनमा भने अख्तियार स्वयं नै आरोपित कर्मचारीलाई उन्मुक्ति दिन क्रियासील बएको श्रोतको दाबी छ।