उत्तर कोरियालाई चीनको समाजवादी सहयोग

सोल – चिनियाँ राष्ट्रपति सि जिङ पिङले उत्तर कोरियाको समाजबादको यात्रामा आफ्नो भरपुर सहयोग रहने प्रतिबद्धता जनाएका छन् ।

उत्तर कोरियाको सत्तारुढ वर्कर्स पार्टीको ७५ औँ बार्षिकोत्सवका अवसरमा नेता किम जोङ उनलाई एक पत्र पठाउदै राष्ट्रपति सीले सो कुरा बताएको उत्तर कोरियाली सञ्चारमाध्यम केसिएनएले बताएको छ ।

चिनियाँ राष्ट्रपति सीले भनेका छन् – “वर्कर्स पार्टीको स्थापना दिवसको पावन अवसरमा मेरा आत्मिय मित्र किम जोङ उन तथा सिङ्गो वर्कर्स पार्टि तथा उत्तर कोरियाली जनता प्रति मेरो ब्यक्तिगत तथा चिनियाँ कम्युनिष्ट पार्टीको केन्द्रिय समितिको तर्फबाट वर्कर्स पार्टी स्थापना दिवसको ७५ औँ बार्षिकोत्सवको अवसरमा हार्दिक शुभेक्षा प्रकट गर्दछु । ”

सीले किम तथा वर्कर्स पार्टीको नेतृत्वमा उत्तर कोरियाको समानबाद तर्फको यात्रा सफलतापूर्वक अगाडी बढीरहेको तथा आर्थिक समृद्धी, अन्तराष्ट्रिय सम्बन्ध सुधारका क्षेत्रमा समेत महत्वपूर्ण कार्यहरु भइरहेको बताउदै आगामी दिनहरुमा त्यस किसिमका गतिविधिहरुमा अझ बढी सुधार देखियोस भनेर शुभेक्षा समेत व्यक्त गरेका छन् । उनले आफूहरुको सम्बन्ध नयाँ उचाईमा पुगेको समेत बताएका छन् ।

उत्तर कोरियाको ८० प्रतिशत आयात तथा निर्यात चीनसँगै निर्भर रहेको छ । उत्तर कोरियालाई सहयोग गरेको आरोपमा चीनमाथि संयुक्त राष्ट्रसंघमा समेत बारम्बार प्रश्न उठ्दै आएको छ । यसै बीच आएको चिनिया राष्ट्रपतिको सन्देशलाई विश्वभरबाट अर्थपूर्ण रुपमा हेरिएको छ ।

यता यस बर्षको सैनिक परेडमा उत्तर कोरियाले नयाँ हतियार प्रदर्शन गर्न सक्ने आँकलन गरिएकोमा त्यस्तो नपाइएको विज्ञहरुले बताएका छन् ।