कोरियामा नेपाली कामदार ठगिनेक्रम बढ्यो

कोरियामा हामी नेपालीहरु को संख्या अहिले निकै धेरै बढेको छ । ईपीएस शुरु भएपछि नेपालीहरु सरकारी तवरले कोरियाका कलकारखानामा कामदारको रूपमा भित्रीएको तेति धेरै समय भएको छैन।कोरियामा नेपालीहरुलाई काम सम्बन्धि र भासा सम्बन्धि विविध समस्या छदै छ तर यी बाहेक हिजो आज प्रहरीमा सबै भन्दा बढी ठगीको उजुरी आउने गरेको छन ।

कुनै केशहरू नेपालीले नेपाली ठग्ने गरेको पनि आउछन । कुनैमा अरु देशकाले नेपालीलाई ठग्ने । येस्ता घटनाहरु हिजोआज लगभग हाफ्ता दुई हाफ्तामा प्रहरीमा उजुरी गर्न नेपाली मात्र होइन अरु देशका नागरिकका साथ साथ कोरियनहरु पनि पीडित भएर आउने गरएका छन।सबैभन्दा बढी र सजिलै तरिकाले ठगहरुले ईन्टरनेटबाट अन्लाईन सपिङ्ग गर्ने भनेर ठग्ने गरेका छ्न ।उनीहरुले महंगो सामान,मोबाईल ,क्यामेरा,घडीहरु बजार भाउभन्दा निकै सस्तो दरमा बेच्ने भनेर मान्छेहरुलाई लोभ्याउछ ।

उनिहरु प्रत्यक्ष आफूहरु सामुन्ने आउदैन काकाओ टक,भाइबर जस्ता म्यासेन्जरबाट बार्गेनिङ गछनर्् । आफ्नो सिकारलाई बिश्वास दिलाउनको लागि आफ्नो आइडीकार्डको फोटो समेत देखाउने गछनर्् । सामान आफूहरुले कारखानाबाट डाईरेक्ट लिएको हुनाले धेरै सस्तोमा बेचेको हो भन्छन् । तर यिनीहरुले देखाउने आईडी कार्ड अरु कसैको हुन्छ । बैंक अकाउन्ट पनि अरुको नै प्रयोग गरेका हुन्छन् । र एकपटक यिनीहरुको कुरा पत्यायेर यिनीहरुले भनेको पैसा यिनी हरुको अकाउन्टमा ट्रान्सफर गर्यो भने त्यसपछि सम्पर्कविहिन हुन्छन् । प्रहरीमा उजुरी गरे पनि असली ठग फेला पर्दैन र उनीहरुले दिएको आईडी कार्ड र बैंक अकाउन्टको आधारमा खोज तलाश गर्यो भने आईडीवाला र बैंक अकाउन्टवालालाई थाहा नै भएको हुदैन कि उनको नामबाट अरुले ठगीको घटना गरेको भनेर ।

केही महिना पहिला पोखराको एक जना भाइको उजुरीमा उनले दिएको आईडीमा भएको ठेगानाको आधारमा ठगी गर्ने मान्छेलाई खोज्न जादा उल्टै त्यो मान्छे आफू पनि पीडित भएको र आफू बिरूद घरीघरी उजुरी परेर प्रहरीकोमा धाइरहेका र दुख पाएको दुखेसो उ लगायत कम्पनी म्यानेजरले हामीलाई सुनाए ।

आज बेलुका नै एक जना भाइले आफू लगायत १०,११ जनालाई एक जना डिपेन्डेन्ट भिसामा (बिद्यार्थीको श्रीमान ) वाला नेपालीले सस्तोमा फोन दिन्छु भनेर पैसा लगेको र पछि न फोन दियो न त पैसा फिर्ता गर्यो । अहिले त्यो मान्छे सम्पर्कविहिनकाले के गर्ने भनेर सोधी रहेका छन् । मैले प्रहरीमा उजुरी गर्नुस र तपाईं सङ भएको प्रमाण हरु,जस्तै फोन नम्बर पैसा ट्रान्सफर गरेको बैंक रसिद पनि बुजाउनुस र भासाको लागि प्रहरी कार्यलयमा म हुने छु भने ।

तेस्तै एक जना भाइले चीनजानको भरमा कोरियन महिलालाई ३० लाख वोन बिना कुनै लेखपढ नगरी दिएको र पछि ती महिलाले फिर्ता गर्न नमानेर त्यो भाइले प्रहरी उजुरी गर्यो । प्रहरी ले ती महिलालाई केरकार गरे पछि ती महिलाले आफूले उक्त रकम लगेको स्विकार्यो। हाल ती महिलाले २० लाख वोन फिर्त गर्यो र बाकी केही समय भित्र फिर्ता गर्ने कागज बनायो । ती महिलालाई बिदेशी ठगीको अरोप लागेर ४० लाख वोन जरिमाना तिर्न अदालतले आदेश दिएको छ ।

तसर्थ साथीहरु कोरियामा सके सम्म सचेत रहनु । कुनै प्रकारको कानून उल्लंघन नगर्नु । आफ्नो राहदानी,आइडी कार्ड,ब्रंक एकाउन्ट कसैलाई नदिनुस । आफू पनि ठगहरुबाट सचेत रहनु र सगैको साथिभाइहरुलाई पनि सचेत गराउनु होला । कुनै प्रकारको ठगीमा वा समस्यामा परे जति सक्छ छिटो कानूनी सहायता लिनु र प्रहरीकोमा जानु होला ।