हुण्डाइ मोटर्सले मध्यपूर्वमा हाइड्रोजन उर्जा ब्यापार बढाउदै

सोल – दक्षिण कोरियाली प्रसिद्ध मोटर उत्पादक कम्पनि हुण्डाइले मध्यपूर्वमा नेक्सो फ्युल सेलयुक्त विद्युतीय सवारीसाधन सहित आफ्नो नयाँ कारोबार सुरु गरेको छ । आफ्नो कम्पनिले विद्युतीय बस सहितको नयाँ सेवा साउदी अरबबाट सुरु गरेको बताएको छ ।

कम्पनिका अनुसार हालका लागि उल्सानबाट २ वटा विद्युतीय बस तथा दुई नेक्सो फ्युल सेलबाट चल्ने सवारीसाधन साउदी तर्फ पठाइसकिएको छ । साउदीका तेल ब्यवसायीले स्थानिय पाइलट प्रोजेक्टका रुपमा ति सवारी साधनहरुको प्रयोग गर्ने कम्पनिले बताएको छ ।

साउदी अरबमा सन् २०१९ मा भएको सम्झौता अनुरुप उक्त सवारीसाधन त्यता पठाइएको कम्पनिले बताएको छ । कम्पनिका अनुसार दुबै देशले हाइड्रोजन इन्धन उत्सर्जनमा सहकार्य गर्ने सम्झौता गरेका छन् । उक्त सम्झौता दक्षिण कोरियाली कम्पनि  हुण्डाइ तथा साउदी अरबको कम्पनि आराम्को बीच भएको हो ।

सन् २०१८ मा हाइड्रोजन सेलयुक्त सवारीसाधन निर्माण सुरु गरे यता दक्षिण कोरियाले १०,६९८ वटा नेक्सोस सवारीसाधन विक्री गरिसकेको छ । कम्पनिका अनुसार ८,९०८ वटा स्वदेशी बजारमा बिक्री गरिएको छ भने १,७९० वटा देश बाहिर बिक्री गरिएको छ ।