आजबाट साझा यातायात लामो दुरीको रुटमा पनि चल्दै

काठमाण्डौ – आजबाट साझा यातायातका लामो दुरीका गाडी चल्ने भएका छन्। दशैंमा घरजाने यात्रुहरुको सहजताका लागि लामो दुरीका गाडी संचालन गर्न लागिएको साझा यातायातले जानकारी दिएको छ ।

सामाजिक दुरी कायम गरेर बुटवल–भैरहवा–सुनौली र काठमाडौं–पोखरा–कुस्मा–बाग्लुङ रुटमा गाडी चल्ने छ। आज साझ ७ बजे बाग्लुङको र सवा ७ बजे सुनौलीको गाडी नयाँ बसपार्कबाट छुट्ने भएका छन् । साझा यातायातका अनुसार दुवै गन्तब्यमा जाने र आउने गरी २–२ वटा गाडी संचालन हुनेछ।

यात्रुले साझाको कार्यालय हरिहरभवन, नयाँ बसपार्क वा ई–सेवाबाट टिकट लिन सक्नेछन्।गाडीको भाडा नेपाल सरकारले तोकेअनुसार ५० प्रतिशत बढी हुनेछ।