दक्षिण कोरियाद्धारा कोरोना भाइरसको न्यायोचित वितरणमा जोड

सोल— दक्षिण कोरियाले कोरोना भाइरसको खोप विश्वका सबै मुलुकलाई न्यायोचित वितरणमा जोड दिएको छ । संयुक्त राष्ट्रसंघको ७५ औँ वार्षिकोत्सवको अवसरमा शुभकामना सन्देश व्यक्त गर्दै राष्ट्रपति मुन जाइ इनले उक्त धारणा राखेका हुन् ।

विश्व स्वास्थ्य संगठनले कोरोना भाइरस विरुद्धको खोप निर्माण तथा वितरणका लागि बनाएको विशेष कार्यदल कोभ्याक्सको सदस्य राष्ट्र भएका नाताले आफूहरु सदैब कोरोना भाइरसको भ्याक्सिनको न्यायोचित वितरण होस् भन्ने आफ्नो तथा देशको सरकारको धारणा रहेको उनले बताए ।

पछिल्ला दिनहरुमा विश्वका धेरै राष्ट्रहरु कोरोना भाइरस विरुद्धको खोप निर्माणमा लागिरहेको बताउदै मुनले जुन देशले खोप निर्माणमा सफलता पाएता पनि उक्त खोपको न्यायोचित वितरण हुन पर्नेमा उनले जोड दिएका छन् ।

संयुक्त राष्ट्रसंघको ७५ औँ वार्षिकोत्सवको अवसरमा मुनले सेटलाइट मार्फत आफ्नो शुभकामना सन्देश पठाएका हुन् ।