गणेशमानको नाममा काँग्रेसी नेताहरुको ब्रह्मलुट

भक्तपुर-तत्कालीन कटुन्जे गाउँविकास समिति हाल सूर्यविनायक नगरपालिका वडा नं. ५ र ६ स्थित सूवर्णेश्वर महादेव मन्दिर परिसर र सल्लाघारी क्षेत्रको १ सय ७४ रोपनी जमिन भक्तपुरका केही काँग्रेस नेताहरुले कमाईखाने भाँडोको रुपमा प्रयोग गर्ने गरि ०५४ सालमा सत्ताको आडमा भोगाधिकार लिएका थिए ।

सो १ सय ७४ रोपनी जमिन भित्र भक्तपुर जिल्लाकै चर्चित धार्मिक स्थल सुवर्णेश्वर मन्दिर, सूवर्णेश्वर खानेपानी आयोजनाको पानी ट्यान्की, सुवर्णेश्वर आधारभुत विद्यालय र युवाहरुले वर्षौदेखि प्रयोग गरेको बनाचउरको खेल मैदान समेत पर्दछ ।

उक्त जमिन २१ वर्षसम्म कुनै ठोस बजेट नराखी अलपत्र अवस्थामा राखियो । अहिले संघिय गणतन्त्र स्थापना पछाडि संघिय सरकार प्रदेश सरकार र नगरपालिकाले बजेट ब्यवस्थापन गरे पछाडी ।

गणेशमानको १३ फिटको सालिक कम्पाउण्ड वाल, फुट ट्र्याल, विश्राम स्थल समेत बनाउने काम भएको छ । यो सबै कामको बजेट ब्यवस्थापन गर्न भक्तपुर क्षेत्र नं २ का सांसद महेश बस्नेत, बागमती प्रदेश सांसद शसीजंग थापा र सूर्यविनायक नगरपालिकाका मेयर बसुदेब थापाले कुनै राजनैतिक पुर्वाग्रह बिना बजेट ब्यवस्थापन गर्नु भएको कुरा स्थानीय जनता अबगत छन् ।

सोही जग्गा काँग्रेस जिल्ला सभापती दुर्लभ थापा, स्थानीय नेता निशान ढुंगेल र पत्रकारिताको खोल ओडेर अनेक कमाउ धन्धा गर्दै आएका, आफ्ना भाइ भतिजाहरु लगाएर गुण्डागर्दी गर्दै आएका, बालकोटका नेता कबिर राणा समेत मिलेर शाख टोरस्टिलका संचालकहरुसँग साटगाँट गरि ५० वर्षसम्म ५ तारे होटल बनाउने योजना साथ अबैधानिक सम्झौता गर्ने काम गरे ।

स्थानीय जनता र सर्वदलिय संयन्त्रको व्यापक बिरोधका कारण उक्त योजना असफल भएको थियो । उक्त जग्गा मिलाउन सहयोग गर्दछु र राष्ट्रिय सभामा मनोनित गर्दिन्छु भनेर शाख स्टिलका संचालक गणेश बहादुर शाखसँग कबिर राणाले ५० लाख लिएका र दुबै काम हुन नसके पछि अहिले गणेश साखसँग भागेर हिडने र उनको फोन समेत उठाउन छाडेका कुरा शाख स्टिलमा मेनेजरका रुपमा काम गर्दै आएका एक कांग्रेसकै कर्मचारीले बताएका छन् ।

गणेश शाखको लभ्ली कार्पेटको भवन र जग्गा निर्माणाधीन हनुमन्ते कोरिडरको मापदण्डमा भित्र पर्दछ । कबिर राणाले उक्त कारखाना नभत्काइ जग्गा बचाइदिने आश्वासन दिएर उक्त ५० लाख पचाउने दाउ बनाएर बसेको उक्त कर्मचारीले बताएका छन् । राणा तिनै हुन लोकतन्त्रको दुहाई दिने प्रत्यक निर्वाचनमा उनको घर नजिकको गणेश प्रावि बुथ कब्जा गर्ने, आफ्नै भाइ भतिजा, गुण्डा र माफिया प्रयोग गरेर हनुमन्ते नदि उकाशको ५४ रोपनी जग्गा जगनाथ आचार्य पत्नि बिमली उपाध्यायको नाममा दर्ता काण्ड, कमेरेटार प्लानिङ्गमा १८ करिड अपचलन काण्ड, इ बिटिङ्ग प्रक्रिया सुरु नहुन्जेल भक्तपुरका प्रत्यक ठेक्का कब्जा गरेर कमिशन उठाउने काण्ड,भक्तपुरका बालुवा खानी काण्ड जस्ता अनेक कांग्रेस सत्ता र पत्रकारको खोलमा चलाउदै आएका काण्डका नायक हुन् ।

भक्तपुरमा रहेको मानव अंग प्रत्यारोपन केन्द्र बर्षमा २ सय भन्दा बढी गरिब जनताको मृगौला प्रत्यारोपन गरेर भारत लगाएत देशमा जाने अरबौ रकम बचाउँदै आएको छ । तत्कालिन डाइरेक्टर डा. पुकार श्रेष्ठ समेतको टिमले निकै मिहेनत गरेको छ । वर्तमान प्रधानमन्त्री केपी शर्मा ओली प्रधानमन्त्री भएपछि उहाँ आफै पनि मृगौला ट्रान्सप्लान्ट गरेको कारण उक्त अस्पताललाई पुर्वाधार र सक्षम बनाई केन्द्रीय स्तरको मानव अंग प्रत्यारोपन केन्द्र निर्माण गर्ने प्रक्रिया सुरु गर्न र डी पी आर निर्माण गर्न ८५ करोड बजेट नेपाल सरकार स्वास्थ्य मन्त्रालयले छुट्टायो ।
त्यसपछि अहिले अस्पताल संचालन भएको भक्तपुर अस्पतालले उपलब्ध गराएको जमिन अपुग भएकोले डा. पुकार श्रेष्ठले एउटा समिति बनाएर जग्गा खोज्ने खोज्ने प्रक्रिया सुरु भयो ।

चाँगुनारायण नपाको बागेश्वरी, दुवाकोट, मध्यपुरको बोडे निलबाराही क्षेत्र र सूर्यविनायक नपाको राउतगाँउ एरियाको अबलोकन समेत गरिएको छ । त्यस मध्ये सबै भन्दा उपयुक्त जमिन सूवर्णेश्वर राउतगाउँको हो भन्ने निर्क्योल भएपछी तत्कालिन स्वास्थ राज्यमन्त्री डा सुरेन्द्र यादव, सांसद महेश बस्नेत, सूनपा मेयर बासुदेब थापा, कांग्रेस सभापती दुर्लभ थापा र वडा अध्यक्ष राजकुमार जोशी र रामेश्वर धोजु र स्थानीय जनताको पटक पटकको भेला र छलफल पछि सबैको सहमतिमा उक्त जग्गामा लगभग सहमति भएको हो डा. पुकार श्रेष्ठले बताउनु भयो ।
जब पुकार श्रेष्ठको सरुवा भएर उक्त स्थानमा डा. प्रेम ज्ञवालीले उक्त प्रक्रिया अगाडि बढाउनुभयो । वडा नं. ५ नगरपालिकाको सिफारिसमा जग्गा अस्पताललाई दिने प्रक्रिया सुरु गरेको कुरा डा. ज्ञवालीले बताउनु भयो ।

‘पटक पटक दुर्लभ थापा र बाटिकाको पदाधिकारीको सहमतिमा उक्त जग्गा बाटिकाको क्षेत्र भन्दा बाहिर हात्ती गौडाँबाट किवाचोक जाने बाटोको पश्चिम, राउत गाउँ पूर्व र पानीको डिपबोरिङ्ग गरेको खोल्साको उत्तरको करिब २८ रोपनी जग्गा हामीले सिफारिस गरेका हौं । उक्त सिफारिसमा सबैको भद्र सहमती हो अहिले केही विकास विरोधी साथीहरूको राजनैतिक आग्रहमा केही बिरोधका श्वोर सुनिन थालेको छ’ वडाध्यक्ष राजकुमार जोशीले बताउनुभयो ।

त्यस्तै मेयर थापालाई हामीले सम्पर्क गर्दा उहाँ भन्नू हुन्छ, ‘भक्तपुरमा कसैको हर्ट अट्याक (हृदयघात) भयो भने कोटेश्वरको जामले ज्यान गुमाउनु पर्दछ । क्याथल्याब सहितको कारडियो सेवा समेत हुने भएको र अहिले नै मृगौला, कलेजो फेर्ने भएकोले यो भक्तपुरको जनताको लागि निकैनै उपयोगी हुने भएकाले हामीले सहमतिमा जग्गा उपलब्ध गराएका हौं । स्थानीयले विशेष छुट र सुबिधा सहित साधारण र विशेषज्ञ उपचार पाउने र स्थानीयले रोजगारी समेत पाउने भएकोले यो धेरै उपयोगी योजना हो । हामीले सहयोग नगरे यो भक्तपुर जिल्ला बाहिर पनि जान सक्छ । तसर्थ विवाद नगरी सबै मिलेर अस्पताल बनाउन सहयोगको आह्वान गर्दछु ।’

नेपाल सरकारले बिगतमा पहुँच र शक्तिको भरमा ४ सय भन्दा बढी संस्थाले हजारौं रोपनी जग्गा भोगाधिकार दिएको देखिन्छ । उक्त प्रकृयालाई अहिले नियमन गर्न वर्तमान सरकारले जग्गा लिज कार्यनीति ल्याएको छ र सबै जमिन नियमन गरिरहेको छ । सबै संस्थाको भोगाधिकार अहिले समाप्त भएको छ ।

पुनः जग्गा भाडा लिन आउन सरकारले गरेको आव्हानले धेरै संस्थाले बेवास्ता गरेका छन् । अझै पनि उक्त प्रक्रियामा सहभागी भएर जामिन लिजमा लिन सम्बन्धित संस्था लाग्ने स्थिती बनाउ सरकारले पुन केही निर्णय गर्न सक्छ । भुमिसुधार मन्त्रालयका अधिकृत सहदेब घिमिरेले बताए । हामीले उक्त विषयमा जिज्ञासा राख्दा उक्त क्षेत्रका सांसद महेश बस्नेतले भन्नुभयो, ‘केही काँग्रेसका लाउकेहरुले संचालन गरेको अनलाईन मिडियाले मेरो विरुद्ध गरेको शृङ्खलाबद्ध कुप्रचार हो ।

भक्तपुरमा राष्ट्रिय स्तरको वीर अस्पताल मानव अंग प्रत्यापन केन्द्र टी बी तथा छाती रोग अस्पताल, क्यान्सार अस्पताल बन्नु आफैमा गौरवको कुरा हो । यहाँ विकासबाट स्थानीय जनता र सबै दल आबद्ध साथीहरू खुसी छन् । केही भ्रष्ट र अपराधीक मनोवृत्तिका मान्छेहरु जस्ले आफ्नो सत्ता हुँदा असंख्य निजि लाभ लिएका छन् र सार्वजनिक हित र जनसेवामा सिन्को भाँचेका छैनन् । आफ्नो राजनैतिक भविष्य अलपत्र पर्‍यो भन्ने ठानेका छन् । तिनीहरु बिचलित भएर ज्यान फालेर मेरो विरुद्ध लागेका छन् । यहाँका जनताले सबै बुजेका छन् । जनता न्यायमुर्ती हुन् । त्यहाँ अस्पताल बनाउँदा ठिक कि बेठिक छुट्टाउने छन् । कसैको षड्यन्त्रले केही हुने वाला छैन ।’

लिन आउन सरकारले गरेको आव्हानले धेरै संस्थाले बेवास्ता गरेका छन । ‘अझै पनि उक्त प्रक्रियामा सहभागी भएर जामिन लिजमा लिन सम्बन्धित संस्था लाग्ने स्थिती बनाउ सरकारले पुन केही निर्णय गर्न सक्छ ।’ भुमिसुधार मन्त्रालयका अधिकृत सहदेब घिमेरेले बताउनुभयो ।
हामीले उक्त विषयमा जिज्ञासा राख्दा उक्त क्षेत्रका सांसद महेश बस्नेतले भन्नुभयो, ‘केही काँग्रेसका लाउकेहरुले संचालन गरेको अन्लाइन मिडियाले मेरो विरुद्ध गरेको शृङ्खलाबद्ध कुप्रचार हो ।

भक्तपुरमा राष्ट्रिय स्तरको वीर अस्पताल मानव अंग प्रत्यापन केन्द्र टी बी तथा छाती रोग अस्पताल, क्यान्सार अस्पताल बन्नु आफैमा गौरव को कुरा हो । यहाँ विकासबाट स्थानीय जनता र सबै दल आबद्ध साथीहरू खुसी छन् । केही भ्रष्ट र अपराधीक मनोवृत्तिका मान्छेहरु जस्ले आफ्नो सत्ता हुँदा असंख्य निजि लाभ लिएका छन र सार्वजनिक हित र जनसेवामा सिन्को भाँचेका छैनन । आफ्नो राजनैतिक भविष्य अलपत्र पर्‍यो भन्ने ठानेका छन् । तिनीहरु बिचलित भएर ज्यान फालेर मेरो विरुद्ध लागेका छन् । यहाँका जनताले सबै बुजेका छन जनता न्यायमुर्ती हुन त्यहाँ अस्पताल बनाउँदा ठिक कि बेठिक छुट्टाउने छन् । कसैको षड्यन्त्रले केही हुने वाला छैन ।’