जापानमा ज्येष्ठ नागरिकको संख्या ३ करोड ६१ लाख भन्दा बढी

टोकियो – जापानमा ज्येष्ठ नागरिकको संख्या ३ करोड ६१ लाख भन्दा बढी पुगेको छ । सरकारी तथ्याङ्कका अनुसार यस बर्ष गत बर्षको भन्दा ३ लाख बढी ज्येष्ठ नागरिकको संख्या पुगेको छ । जापानमा ६५ बर्ष माथिलाई ज्येष्ठ नागरिक भनिन्छ ।

ज्येष्ठ नागरिक दिवसका अवसरमा आन्तरिक मामिला तथा सञ्चार मन्त्रालयले सार्वजनिक गरेको तथ्याङ्क अनुसार देशको कुल जनसंख्याको २८.७ प्रतिशत ज्येष्ठ नागरिक रहेका छन् जुन गत बर्षको भन्दा ०.३ प्रतिशत बढी हो ।

जापान पश्चात इटलीमा २३.३ प्रतिशत ज्येष्ठ नागरिक रहेको तथा पोर्चुगलमा २२.८ प्रतिशत ज्येष्ठ नागरिक रहेको समाचारमा जनाइएको छ । जापानको एक अनुसन्धानले सन् २०४० सम्ममा ज्येष्ठ नागरिकको संख्या कुल जनसंख्याको ३५ प्रतिशत पुग्ने समेत बताएको छ ।

मन्त्रालयका अाुसार ६५ बर्ष भन्दा माथिका पुरुषहरुको संख्या कुल जनसंख्या १ करोड ५७ लाख ३० हजार बढी रहेको छ भने महिलाको संख्या २ करोड ४ लाख ४० हजार बढी रहेको छ । जापानमा ८९ लाख बढी ज्येष्ठ नागरिक रोजगारी गर्ने गरेको समेत मन्त्रालयले जनाएको छ ।